麵麵 (已結業)

話說小胖女之前都食過既呢間麵麵,今次到小弟黎試下有幾巴閉啦,餐廳主打用魚做既麵同烏冬做招來,坐底會先送你一杯是日湯底比你試一試,今次係濃蝦湯,飲落好重蝦味,但試得出無落味精,我地每人叫左一款麵食同埋一個小食,先上係係小胖女叫既避風塘雞翼濃魚湯魚麵,睇個名咁長就有D 料到啦,雞翼做我唔錯,乾身得黎,入面D肉唔會好柴,至於魚烏冬既口感係條條分明,咬落非常滑,同埋好似食緊手打魚旦咁樣,跟住就到小弟叫既咖哩吉列豬扒拌魚烏冬,豬扒夠大塊夠脆,咖哩撈埋一齊好入味,而魚烏冬個口感比較煙軔,小食叫左漁人樂趣,有齊哂所有炸薯條,蕃薯條,墨魚條同魚肉春卷,最後一人一杯朱古力咖啡完美左呢個晚餐啦