虎鐵鐵板燒

營業中

休息中

假日午市好多人，滿座，非常犀利！滿心期待等左一彈有位喇～～午市都好多選擇，有一人餐亦有二人餐，不同價位，個個都好吸引！最後揀左中上$498價位嘅虎鐵特選 D餐～首先有沙律，沙律菜新鮮、有蕃茄，有沙律醋汁，酸酸地幾開胃好食！廚師會喺你面前煮比你食！有服務有得欣賞好快就有鴨肝蒸蛋，賣相好靚！蒸蛋入面有鴨肝幾特別，估唔到一齊食咁香咁滑！虎蝦配有蝦膏汁，濃而不膩，好大隻新鮮！到南非鮑魚，好好食！超大隻！仲配有魚子點綴。擺盤又好靚！當然唔少得牛！揀左澳洲牛柳五成熟！嘩！好正！調味好好！最後就到和牛炒飯及味噌湯。炒飯我都好鍾意食！炒得乾爽又香，和牛味啖啖香。甜品是日係雪糕，揀左士多啤梨味。