Seafood ghost (已結業)

未試過食一個非放題式的晚餐飽到上心口，份量超多，無論係主菜、配菜都裝到就快滿瀉😁😱超澎湃😱🦞手抓海鮮餐🦞 ($298)是日精選餐湯:南瓜湯套餐包括龍蝦、肉蟹、草蝦、鮑魚、翡翠螺、綠青口、沙白。龍蝦真係啖啖肉。肉蟹剝殼比較難，蟹拑比較硬，女仔有啲難開殼。草蝦都有目測12cm，肉質彈牙。鮑魚好新鮮，端上枱，仲有少少郁動~ 幾有驚喜係會配蒜蓉包，外脆內軟，再加啲避風塘嘅蒜粒，少少鹹香更有特色！！蔬菜更包括有三色椒，色彩繽紛；Miso醬日本椰菜，鹹中帶甜，帶出層次感～仲有粟米、洋蔥🧅⋯⋯我自己揀咗港式避風塘(小辣)，真係吾算辣。蒜蓉炒到甘口焦香，聞到好香豆豉味，同蟹一齊食，真係越食越開胃。🦀火鍋海鮮餐🦀($298)大部分海鮮同上面一樣，用火鍋嘅煮法就會食到海鮮嘅鮮甜味，而避風塘嗰種食法就係似大排檔嗰種風味，兩者各有特色😋肉類方面會多咗👉🏻安格斯牛四片來自美國嘅，一定有保證先~都見到大理石紋🤪冇血水流出👍🏻👉🏻頂級黑豚豬梅肉四片比較瘦，比較少脂肪火鍋配料:蟹柳、芝士棒、金菇等，配稻庭烏冬，吸收曬走地鮮雞湯，超豐富！時間越耐，要加湯，本以為個湯最後會淡而無味，點知越煮越濃味🙈啤酒是配火鍋是常識吧！