鮨竜 (已結業)

鮨竜在menu選了火omakase, 茶碗蒸夠哂熱，蛋蒸得剛好唔會過老，keep到嫩滑感覺！有蟹肉作陪襯，增強鮮香感覺。日本厚岸真蠔，on topping有酸汁啫喱，海苔， 辣蘿蔔蓉！味道好清新又幾香。而且size幾大隻！陣陣既咸香鮮味滲出，一啖一隻好滿足，夠飽滿感！醬油漬日本象拔蚌，味道鮮甜帶爽脆口感！非常新鮮，食完想有再食既感覺！醬汁醃製過唔使再調味，已經好食，幾開胃又鮮味既 starter.燒帶子，脆脆既紫菜包住 火焰帶子，帶子嫩綿細緻有質感，半熟狀態，鮮味突出。清酒蒸岩手縣鮑魚，鮑魚肝做了醬汁非常濃郁，鮑魚質地超爽彈，這個菜式為餐廳signature, 真係食完齒頰留香！太陽之卵火焰雞肉棒，雞肉棒夾雜住雞軟骨，增強了香脆口感，蛋汁夠多夠豐盈，非常加分，靚既日本蛋！柚子味既 jelly, 清新夠嫩，清新味蕾，再食sushi, 還有6件時令壽司，最令我難忘當然係馬糞海膽壽司，味道甘香鮮甜！回甘度夠強。