更多
2017-02-09
3926 瀏覽
最近上網見到鮨文將會在黃埔開分店,令我想起上年都曾經去過呢間位於元朗嘅小店,其實當初係見到Facebook 朋友post過佢嘅海膽杯,而挑起我嚟到元朗幫襯嘅意欲。我同朋友兩個點了廚師發板,坐在吧枱前欣賞兩位師傅即整即食,一路睇,師傅都會逐一介紹眼前嘅食物。師傳用江戶前傳統壽司制法,用赤醋嚟做壽司飯,令到啲飯嘅顏色係黃黃色,比一般嘅米醋更香醇,配上新鮮刺身味道鮮味。平時食壽司總愛點醬油,但呢度係唔駛點醬油的。師傅會盡量將刺身原本嘅味道配上小小調味或手法令它提升。銀鱈魚魚油比較重嘅魚佢就會用火槍炙燒過,未食已經聞到好香,食落去魚油就喺口中爆發,我自己就好鍾意食炙過嘅壽司啦帆立貝上面灑上沖繩海鹽,小小鹽帶出它的鮮味而又唔會奪去本身嘅鮮味。醋鯖魚壽司先將鯖魚以醬油和鹽醃製半小時,上枱時放上薄薄透明嘅白板昆布蓋喺鯖魚上,視覺已生經覺得好掂,味道就少少鹹,但鮮味仍然保存到。伊佐木壽司色澤粉嫩鮮豔,面頭有點薑蓉,食落肉質細嫩鮮美有圖有真相,睇到都知有幾肥美啦有點過份嘅海膽軍艦滿到瀉,一啖又點食得晒呀,甘香鮮甜豐腴,大滿足最後以鮮甜魚湯作總結,飽到行唔郁,大滿足
67 瀏覽
1 讚好
0 留言
張貼