回到味來 (已結業)

前幾日喺旺角放工覺得好肚餓，唔想食嚟食去都係嗰幾間，咁啱見到有間打邊爐嘅鋪頭好似幾吸引，就行左上去食喇～入到去鋪面唔算話好大，但都有幾十張枱，仲聞到其他客人啲野食好香添入返正題先～落單時老闆介紹佢地主打嘅湯底係藥膳紅燒牛肉鍋同埋當歸鴨，未食過藥膳湯嘅我地就點左佢嚟試下😳 上菜前有唔同醬料比我地配搭，而店員介紹嘅7分豉油+3分醋真係好夾！我平時唔係好鐘意食醋味都覺得好正啊湯底上枱後藥材味唔算話好勁，應該普通人都會接受到😬而裏面嘅牛肉非常軟同埋入味，呢個湯底真係無介紹錯！野食方面，我地嗌左雞肉、餃類、雙併滑（蝦滑+墨魚滑）、響鈴、豬肉餅同埋菜類等等。 碟雞肉滾左落湯撈返上嚟仲係好滑，唔會滾到乾哂🧐 雙併滑食得出好彈牙，老闆話係佢地嘅師傅每日都新鮮手打架，果然係唔同啲😲 另外，佢地標榜響鈴係即嗌即炸，上枱後真係熱辣辣，夾落個鍋到滾左三秒依然脆卜卜，仲唔算係好油膩添！好好食啊😋 老闆見我地嗌左咁多野食，送多左碟牛丸牛肉餅同埋牛筋丸比我地😆 餐牌寫佢地嘅牛丸類產品係100%純牛，結果食完之後個口果然充滿一陣牛味，而且好Q彈好有咬口🤩不過相比之下，豬肉餅稍微無其他野咁出色，因為其他食物真係好有驚喜