影片
更多
2021-07-15
18 瀏覽
壽司Omakase食得多，但串燒係我的第一次。餐廳只有一個$888 Omakase餐，由於唔知會有咩食，所以格外期待同緊張。每次上菜時師父都會好細心同我地講解食材既來源，一邊食一邊學習美食知識，呢個都可能係坐係吧枱既樂趣之一。坐底先叫上一杯冰凍既啤酒🍢薄脆鱈魚乾經表面微微烤過後，鱈魚片變得脆脆的，點上蛋黃醬後變得特別惹味🍢青魚北海道白玉粟米沙律底部有清甜既沙律菜做基底外，重點係來自北海道日本白粟米同青魚，粟米超級香甜多汁，青魚鮮甜無腥。🍢黑木軟骨雞肉棒 (九洲走地雞)用九洲走地雞打碎做成雞肉棒，中間再加左雞軟骨，食落非常有口感，肉質也有彈性。除左雞肉棒仲有日本溫泉蛋，掃上蛋汁後味道會變得柔和且有蛋香。🍢淮山海雲海雲質感滑捋捋，師父以醋汁附和，食落酸酸甜甜，三文魚鼻骨好爽口，第一次試咁既食法，覺得好新奇。 🍢磯燒南非鮑魚鮑魚表面經過燒烤後有微微焦香，但中間部分Q彈，鮑魚如果煮過火好容易會韌，呢道鮑魚完全無呢個問題，可見師父的用心同燒烤功力！加上特別調製既醬汁，仲會食到鮑魚既鮮味。🍢松葉蟹味噌甲羅燒特別之處係黃色既意大利翠玉瓜，同平時見到既綠色不同，味道覺得比綠色甜少少。甲羅燒除左有蟹既鮮
壽司Omakase食得多，但串燒係我的第一次。餐廳只有一個$888 Omakase餐，由於唔知會有咩食，所以格外期待同緊張。每次上菜時師父都會好細心同我地講解食材既來源，一邊食一邊學習美食知識，呢個都可能係坐係吧枱既樂趣之一。
坐底先叫上一杯冰凍既啤酒
🍢薄脆鱈魚乾
經表面微微烤過後，鱈魚片變得脆脆的，點上蛋黃醬後變得特別惹味
🍢青魚北海道白玉粟米沙律
底部有清甜既沙律菜做基底外，重點係來自北海道日本白粟米同青魚，粟米超級香甜多汁，青魚鮮甜無腥。
🍢黑木軟骨雞肉棒 (九洲走地雞)
用九洲走地雞打碎做成雞肉棒，中間再加左雞軟骨，食落非常有口感，肉質也有彈性。除左雞肉棒仲有日本溫泉蛋，掃上蛋汁後味道會變得柔和且有蛋香。
🍢淮山海雲
海雲質感滑捋捋，師父以醋汁附和，食落酸酸甜甜，三文魚鼻骨好爽口，第一次試咁既食法，覺得好新奇。
🍢磯燒南非鮑魚
鮑魚表面經過燒烤後有微微焦香，但中間部分Q彈，鮑魚如果煮過火好容易會韌，呢道鮑魚完全無呢個問題，可見師父的用心同燒烤功力！加上特別調製既醬汁，仲會食到鮑魚既鮮味。
🍢松葉蟹味噌甲羅燒
特別之處係黃色既意大利翠玉瓜，同平時見到既綠色不同，味道覺得比綠色甜少少。甲羅燒除左有蟹既鮮甜和味噌味外，師父應該仲加左紫蘇葉，所以無淨味噌咁濃同膩，比較清新。
🍢牛舌拖羅
個人好鍾意食牛舌，牛舌要牛舌芯部位先會有爽脆既口感，呢份師父話係用左牛舌最靚既部分，所以叫牛舌拖羅。牛舌係厚切的，中間呈粉紅色，熟剛好不多不少，口感爽脆嫩滑，配上白葱麻油增不少香味。
🍢青辣椒 + 雞槌肉
兩樣同時上的，雞肉徵焦有肉香，青辣椒唔會辣。
🍢白鰻串燒
白鰻先蒸熟後再燒，表面布滿鰻魚的魚油，表面香脆金黃。除了師父自家制的鰻魚醬，還加了柚皮，所以食落較一般的鰻魚清新，但又不失肥美香口。
🍢豚肉粟米芯
用豚肉包住粟米芯再燒，本來無太大期待，因為唔覺得粟米芯有甚麼特別，但食落出奇地甜，有少少驚喜。
🍢厚切黑豚腩串
厚切沖繩黑豚腩肉，肉質紮實，無果種令人好討厭既豬羶味，肥瘦得宜。
🍢牛肋骨條肉串
個人覺得較為無驚喜的一串，味道正常唔會差，但可能前面的串燒太令人驚喜，以致鍾意食牛肉的我期太高。肉質夠嫩，都無燒到過火。
🍢昆布清湯鍋巴
米餅外脆內軟，本想整溶再和湯混和食用，但原來唔得，味道是米的香味，主要靠昆布湯的來吊出味道。
🍢冧酒焦糖燒菠蘿+雲尼拿乳酪年糕
令我非常驚喜的品！！係我食過最甜和好食的菠蘿，外層焦糖燒到微脆，菠蘿多汁清甜，燒後質地較軟淋，一啖咬落又脆又軟，仲有冧酒既酒味，真心好好食！ 另外一邊係雲尼拿乳酪配燒年糕，呢一邊味道較清爽，年糕燒過後軟糯軟糯，配住菠蘿非常夾，味道剛剛好。
本來對今餐無咩太大期待，因為對串燒Omakase了解也不是特別深，食後感預期好，而且最想稱讚係食得出師父既用心，全部食材非常新鮮而且預先燒定再加熱等，部分菜式更令人有喜，雖然食既時間有點長，不過呢個都係享受之一。
張貼
