西貢越南真味

營業中

休息中

九龍城一向多美食，今日口淡淡想食麵，同行有人又想食飯。於是決定去越南餐廳一次滿足晒兩個願望。同行有人帶咗香茅豬扒飯。豬扒都算厚肉，好重香茅味。炸得岩岩好，咬落去面頭係脆，但啲肉唔會乾身。我嗌左西貢什會河粉。河粉好大碗呀，仲好多餸。有蟹柳，豬頸肉，蝦，扎肉，蘿白。蘿蔔清甜無渣。豬頸肉厚切，肉質有彈性，好有驚喜。蝦肉食得出係新鮮蝦，唔係雪藏。除咗煮食我哋仲帶多咗個小食炸春卷。春卷好足料，炸到脆卜卜。用生菜包住，點汁食好Flash。超推介。最後飲番杯紅豆冰。好多豆豆，椰汁味幾香。值得留意嘅係飯市好旺呀，可能附近好多學生放lunch。大家想食嘅記住留意避開繁忙時段啦。