影片
附加資料
星期六，日及公眾假期加一服務費
營業時間
今日營業
11:00 - 21:15
星期一至日
11:00 - 21:15
公眾假期
11:00 - 21:15
公眾假期前夕
11:00 - 21:15
以上資料只供參考, 請與餐廳確認詳情
九龍城有好多泰國同越南嘢食，今日中午經過，試左呢間西貢越南真味。佢有午市套餐跟野飲，我揀左香茅豬肉湯檬，野飲揀左越南滴漏咖啡（跟餐要補少少錢）。平時食越南嘢通常都會食生牛肉河粉，今日試吓食豬肉。佢呢個香茅豬肉湯檬，豬肉同檬粉份量好足，軟硬度適中。豬肉經過調味好惹味，但肉質一半半，一部份又好嫩口但一部份有少少韌，算係有少少不足。湯底鹹淡適宜，唔會越食越口渴。份量湯底都唔錯，下次我可能會試吓豬扒或者牛肉。越南滴漏咖啡來到要等佢滴漏一陣先飲得，個煉奶同咖啡比例唔錯。夏天食熱嘢，飲番杯凍咖啡，心情唔錯～
繼續閱讀
之前黎食果陣，聽到入黎嘅客（4、5個）都叫雞絲湯檬，呢次特登再黎食。我叫左雞絲湯檬，男友叫左生牛肉河。雞絲個湯應該唔係味精湯，我差唔多飲左一半都冇口渴，但我自己比較鍾意生牛河，味道濃d，而且d牛都幾有牛味同好食，雞絲就偏鞋，份量多。法包今次叫牛肉法包，包一樣咁鬆脆，夾嘅料都好多，但覺得之前叫嘅招牌法包味道豐富d~越南咖啡就不過不失。
繼續閱讀
以前嚟親九龍城都係食泰國嘢 原來呢度都有間越南小店價錢合理份量又大 而且味道正宗食物推介小食拼盤 啱晒貪心的小狗 大推墨魚餅 啖啖墨魚粒 夠晒口感超彈牙足料🦑仲有即叫即蒸嘅粉包 食材新鮮外皮滑溜之後係蒜香牛油雞翼 第一次食牛油味咁香嘅雞翼 炸皮夠薄最後係越南經典越式蔗蝦 第一次見雞髀咁大舊蔗蝦🦐完全係手工嘢 甘蔗加入蝦肉炸到金黃色澤甘蔗香滲入蝦肉 味道層次相當細膩🌟下次有機會再帶屋企人過嚟 相信佢哋都會好鍾意✋🏻📍西貢越南真味 (九龍城)九龍城獅子石道27號地舖🌍#iam九龍城foodaholic
繼續閱讀
之前食過幾次。樣樣都ok, 所以番去食左好多次。堂食外賣都試過點知隔左段時間冇去。今日中去買外賣。收銀女人態度差。唔止黑面。語氣差。（其實以前見過佢。但其他侍應都服務及態度好。佢多數收銀）今次諗住野食好味都算。忍下佢。。講真今時今日服務行業。態度重可以咁差。真係好唔掂點知真係出事。叫左3樣野。串燒三兄弟。香茅豬扒飯。豬頸肉撈檬串燒豬同牛韌到咬唔到。雞就勉強叫吞得落。香茅豬扒飯。豬扒又乾又‘’鞋‘’。食左1舊真心唔想再食。係豬頸肉正常d,食物+服務。。。差差差。。真係唔會再幫襯。
繼續閱讀
進店坐下來 ，睇評價先後悔 超級失望 好一個休息日 ， 約家人去食飯 ，只上網睇九龍城越南菜 ，以為比較新以為比較多like 就有信心已經約咗老人家 就費事改地方啦入店後 ，發覺繁忙時間好多位任坐 ，本來都好開心嘅，叫咗木瓜沙律$68 ，冇味嘅？可能要自己加越南魚露啦。火車牛湯粉 個湯好鹹呀，一定要嗌飲品 ，好似有好多味精果種的感覺 。牛油雞翼 個粉好厚 有啲好硬的炸蒜頭做陪襯！着制服嘅職員都有禮貌嘅！不停執枱其餘嘅不禮貌對待就算啦，忍下真係要睇評價 這個平台嘅值得參考都係要幫襯返啲老牌有信心 ，起碼他們的老闆都有服務態度食一次都算 超級失望人均$130
繼續閱讀