八不·壽喜燒

營業中

休息中

近呢幾年太子近深水埗地區都開始出現一d文青或者幾stylish嘅小店，估唔到呢間大南街都有日式壽喜燒嘅進駐。入到餐廳就見到好多日本嘅小細節，用日系木色做主調，牆上有好大幅嘅「神奈川沖浪裏」，仲有一個細細嘅Lego版，用嘅碗碟都係細心挑選過，另一邊嘅牆仲畫咗深水埗嘅雷生春，睇得出老闆真係好用心經營同埋鍾愛日本文化。我哋叫咗一個日本A5黑毛和牛壽喜燒，同八不赤面配吉列蠔。唔使講個日本A5和牛梗係冇得頂，霜降脂肪分布平均，油得嚟絕對唔膩，加埋生雞蛋入口超滑！食完d牛，用剩返嘅醬汁嚟食大葱、菜、金菇、豆腐，真係連汁都食埋😆👍🏼赤麵即係蕎麥麵，佢有櫻花蝦、昆布、葱、腐皮，我要咗清湯底，連埋隻吉列蠔一齊食，超滿足！