樂怡餅屋 (已結業)

自從樂怡在山景開業後，我已經無再幫襯其他連鎖麵包店，因為樂怡d麵包真材實料，包包有質感，餡料又多，食一個已經夠晒飽！

今日試左個新款包，不過唔記全名，洛xx紅豆包 ，$8.5一大個（有六吋幾直徑）包面有層薄薄酥皮，包包質地紮實實，最驚喜係紅豆餡，初時以為只係紅豆蓉，點知切開發現係大大粒原粒紅豆！！ 餡料香甜有咬口，配埋酥皮香味及包包質地，整體感覺好夾，好好味.個包份量又大，一個包同阿媽兩份分都好夠！

依家好在仲有d貨真價實嘅舖頭，我地先食到用心製作嘅食物，真係要多d支持！！