樂怡餅屋 (已結業)

最愛隱世人情味小店，今次黎到位於屯門山景邨嘅樂怡餅屋，麵包店裝潢充滿香港屋邨特色，小店只有幾位叔叔姨姨店員，但充滿濃濃嘅人情味，呢啲感覺絕對要向屋邨至揾到，店內有提供各式麵包，甜點，蛋糕等等。。大概下午2點鐘，去到門口已經聞到香噴噴嘅牛油味，行入去望下，叔叔店員話蛋撻剛剛出爐，所以我就買左半打，鮮奶蛋撻（@$5）價錢中等，但味道絕對對得起呢個價錢有餘，牛油皮香脆，焗得啱啱好金黃，唔會太燶，鮮奶蛋漿又滑又香蛋味，半打真係唔夠我地食，蒜蓉百里香條（$20）等緊店員包裝蛋撻嘅時候，見到呢包比較特別嘅蒜蓉百里香條，想到最喜愛蒜蓉味嘅老公，就即刻買左，一打開見到大概有30條，份量都算幾多，雖然蒜蓉味唔算好香，不過百里香就一啲都唔吝嗇，可能就係因為咁稍為蓋過左蒜蓉嘅香味，咬落好脆口，絕對係可以過足零食口癮。…查看更多

因為一早就要去排隊睇醫生，未食野，就好隨意買個包食，門面同鋪入面都好屋邨好平凡，不過我見面包款色就唔係好普通嗰D，例如軟心朱古力包，五重芝士包，火腿芝士煙肉包……不過我只試過五重芝士包，包入面有creamy 同埋粒狀嘅芝士，包面係有焗過芝士，芝士碎，有唔同質感嘅芝士，好味道，我忍唔住之後一日再買左2個，即係連續食左3日，但我都仲未厭，好顛之後又去買過芒果糯米磁，唔係好甜，個皮好軟好新鮮，12蚊雞可接受呀我覺得店舖係用心制作，所以值得推介…查看更多

英式鬆餅 (麥,提子) $10/2偶然經過 平時見尼度麪包貴少少見到居然有英式鬆餅賣 平過Aeon咁就買番屋企試下基本上兩個感覺麪粉搓得唔算幼細食既時候有少少一粒粒既感覺可能搓過火 起筋起得多不過味道冇問題 提子味同Aeon係一樣甜度相似麥味感覺粗糙d 少d甜 味道輕盈少少整體都食得過 同埋平d麻…查看更多

平凡既方包，平淡既包裝，睇落去平平無奇⋯但原來並唔係咁簡單，方包係加左鮮奶去做，麵包很柔熟，入口很滑，鮮奶味很香濃，而且麵包邊仲係脆身，我試過放入多士爐烘香黎仲好味！…查看更多

樂怡餅店係屋村餅店，今次買左個什果蛋糕，蜜桃、菠蘿、哈密瓜、蜜瓜、奇異果都很新鮮很甜，唯獨個士多啤梨，係就係好大粒，但係比較酸同埋有啲澀口，清蛋糕加上什果粒奶油都幾香流。…查看更多

放工路過樂怡，看見餅櫃放著數量「極有限」的芒果糯米糍，只賣$10。抱著「最多都是中伏一次」的心態買了兩個和我家寶貝共享。糯米糍的外觀其實不算起眼，份量看來也不像長洲名店或王孖記的巨大無匹。不過它的糯米皮很薄，芒果肉很大件，味道十分香甜，而且糯米皮不會讓人吃完有一口粉的感覺。$10一件，實在十分抵吃。真的要挑缺點，就是比較細件，僅此而已。…查看更多

自從樂怡在山景開業後，我已經無再幫襯其他連鎖麵包店，因為樂怡d麵包真材實料，包包有質感，餡料又多，食一個已經夠晒飽！今日試左個新款包，不過唔記全名，洛xx紅豆包 ，$8.5一大個（有六吋幾直徑）包面有層薄薄酥皮，包包質地紮實實，最驚喜係紅豆餡，初時以為只係紅豆蓉，點知切開發現係大大粒原粒紅豆！！ 餡料香甜有咬口，配埋酥皮香味及包包質地，整體感覺好夾，好好味.個包份量又大，一個包同阿媽兩份分都好夠！依家好在仲有d貨真價實嘅舖頭，我地先食到用心製作嘅食物，真係要多d支持！！…查看更多

約左去朋友屋企玩,唔想玩玩下肚餓所以買左幾盒燸米糍上去,估唔到有意外驚喜1盒4個, 大大個燸米糍,拿上手非常稔軟, 好期待!咬下去更覺得皮薄涵靚, 芒果肉好似鮮拆一樣新鮮,而且非常多, 幾乎佔一半!咬落鮮甜多汁, 糯米皮亦十分稔軟,絲毫韌的感覺都沒有,非常新鮮!原個士多啤梨的橫切面,可見士多啤梨比糯米皮更大,味道酸酸甜甜, 少量士多啤梨籽,口感十分清新, 小店都可以做得咁好食,而且又新鮮, 好值得來黎啊!…查看更多

數月前得知這間餅舖在這屋村開業, 已經很期待, 期待廚窗裡的特色蛋糕, 不過經過這幾個月既觀察, 幾乎每次經過都沒顧客, 而廚窗也看不見特色蛋糕,不知道是否這屋村的人不太知道它的厲害,而我更想知道除了別出心裁既蛋糕外, 還有甚麼美味既選擇....晚上又經過, 搵食時候到, 遠遠看見收銀台下那玻璃DISPLAY 櫃裡有好幾款件裝蛋糕, 也有芒果布甸, 而另一邊看見古法雞蛋仔, 名字十分吸引, 再看看還有雙併, 也就一起把它們帶回家去....布甸裡果肉不少, 甜度剛好, 但不夠香, 而這個SIZE要$11.5, 其實有點貴........古法雞蛋仔併英式鮮奶餅古法雞蛋仔比較乾, 相比下不及英式鮮奶餅鬆軟, 也沒有蛋的味道.......:(而英式鮮奶餅外面那些糖配搭沒太多味道的餅乾, 十分易入口, 一片接一片..如再加上英式紅茶, 會否感覺像英國紳士淑女?..下次再試埋芝士蛋糕先得.... …查看更多