影片
更多
2021-01-09
49 瀏覽
❀ The Ground Kitchen #西環 ❀❗️用心製作西環精美西餐 海膽意大利飯有驚喜❗️——————————————————西環水街一向有好多美食，但奈何一直都唔算太多精緻西餐廳，而呢間較為新嘅The Ground Kitchen算係近期嘅熱點，獲得唔少好評✨外牆淺藍色嘅裝修，有種歐陸休閒風情小館嘅感覺，門面仲幾打卡able📸內裏售賣住賣相精美嘅西餐，有種fine dining嘅感覺，質素不過不失，住喺附近想嘆番個靚定西餐一試無妨。.原來店主係喺墨爾本返嚟開餐廳😲有去過澳洲都知道當地嘅Cafe菜式種類多，所以呢間餐廳都有好多特別嘅配搭，而且Menu定期會轉換！星期一至五仲不設加一添，平日嚟到未算爆滿。.✷𝑀𝑒𝓃𝓊✷☞ 3-course lunch menu (價錢按照返主菜收費, around $150-250).♥ 是日餐湯(4/5)欣賞佢哋喺賣相方面真係花咗唔少心思😍第一次見擺盤擺得咁靚嘅餐湯。係昇華版嘅羅宋湯，餐湯味道清甜，有大量牛肉粒，以餐湯嚟講，製作算係幾認真。.♥ 溫泉蛋明太子海膽意大利飯 $198 (4.3/5)超級大推薦💖💖💖！成個意大利飯充斥着海膽嘅鮮味，喺口
❗️用心製作西環精美西餐 海膽意大利飯有驚喜❗️
——————————————————
西環水街一向有好多美食，但奈何一直都唔算太多精緻西餐廳，而呢間較為新嘅The Ground Kitchen算係近期嘅熱點，獲得唔少好評✨外牆淺藍色嘅裝修，有種歐陸休閒風情小館嘅感覺，門面仲幾打卡able📸內裏售賣住賣相精美嘅西餐，有種fine dining嘅感覺，質素不過不失，住喺附近想嘆番個靚定西餐一試無妨。
.
原來店主係喺墨爾本返嚟開餐廳😲有去過澳洲都知道當地嘅Cafe菜式種類多，所以呢間餐廳都有好多特別嘅配搭，而且Menu定期會轉換！星期一至五仲不設加一添，平日嚟到未算爆滿。
.
✷𝑀𝑒𝓃𝓊✷
☞ 3-course lunch menu (價錢按照返主菜收費, around $150-250)
.
♥ 是日餐湯(4/5)
欣賞佢哋喺賣相方面真係花咗唔少心思😍第一次見擺盤擺得咁靚嘅餐湯。
係昇華版嘅羅宋湯，餐湯味道清甜，有大量牛肉粒，以餐湯嚟講，製作算係幾認真。
是日餐湯
15 瀏覽
0 讚好
0 留言
.
♥ 溫泉蛋明太子海膽意大利飯 $198 (4.3/5)
超級大推薦💖💖💖！
成個意大利飯充斥着海膽嘅鮮味，喺口腔到爆發出嚟！
飯粒硬度剛剛好，被忌廉完全包圍着。
表面再加左少許明太子醬再度提升鮮味。
配上一隻流心溫泉蛋，令到個飯更creamy。
唯一美中不足係冇真正嘅海膽，但成個飯嘅味道口感的確一流！
溫泉蛋明太子海膽意大利飯
$198
24 瀏覽
1 讚好
0 留言
溫泉蛋明太子海膽意大利飯
$198
15 瀏覽
1 讚好
0 留言
溫泉蛋明太子海膽意大利飯
$198
35 瀏覽
0 讚好
0 留言
.
♥ 香煎鯛魚柳、24個月巴馬火腿酥皮芝士蘆筍卷 (3.9/5)
誤以為呢個係網上見到嘅魚柳🥲點知原來佢哋又再轉左餐牌。
今次呢塊鯛魚比起以往嘅薄🙈外皮的確煎得好香脆，亦帶油香。但肉就比較少啲，都算腍就未係最滑。
配上加入左Parma ham、cheese、蘆筍嘅酥皮卷，的確幾香脆，但略嫌Parma ham嘅香氣比蘆筍蓋過咗、油分亦比芝士掩蓋🥺。
另外，整道菜嘅肉就真係比較少，雖然仲有一大堆牛油果沙律🥗，但唔算太飽肚，而且感覺冇咁抵。
香煎鯛魚柳、24個月巴馬火腿酥皮芝士蘆筍卷
$238
13 瀏覽
0 讚好
0 留言
香煎鯛魚柳、24個月巴馬火腿酥皮芝士蘆筍卷
$238
22 瀏覽
0 讚好
0 留言
.
♥雜莓意大利黑醋芝士蛋糕 +$38 (3.5/5)
芝士蛋糕就正正常常，比較細件，覺得唔需要刻意加錢試。
本身以為側邊嘅係朱古力醬，點知原來係黑醋，幾搞笑，我自己prefer朱古力多啲。
雜莓意大利黑醋芝士蛋糕
$38
5 瀏覽
0 讚好
0 留言
.
♥ 花茶 (4/5)
值得一提，跟餐嘅花茶真係唔錯💞！
首先唔係普通嘅檸茶咖啡，有得揀花茶呢一點已經值得一讚。
選擇分別有洛神花黑杞子茶或者是日花茶——黑糖玫瑰花茶。
兩款花茶嘅香氣都重，黑糖嗰款就會甜少少，而家洛神花就會酸酸地，但兩款都真係落足料去泡浸❣️！
洛神花黑杞子茶
8 瀏覽
0 讚好
0 留言
黑糖玫瑰花茶
11 瀏覽
0 讚好
0 留言
——————————————————
✨整體味道: 3.9/5 (海膽飯特別高質)
✨環境裝修: 4/5
✨服務態度: 4/5
✨性價比: 3.8/5
✨再訪興趣: 3/5
.
💞整體來講
不得不讚佢哋嘅賣相真係落足心機😍有種休閒bistro但提供fine dining菜式賣相嘅感覺。當中嘅海膽意大利飯真係令我齒頰留香，推薦✨而其他食物就較為正常，如果住喺附近或者喺附近返學都一試無妨。
張貼
