泓一拉麵

營業中

休息中

小店得大約7至8個Bar枱位，咁啱呢晚落大雨嘅時候我嚟到門口冇人等緊位，我等一陣就入得，如果唔係平時就排長龍。坐喺吧枱可以睇到師傅整拉麵，每一碗即叫即整，連個湯底都係即時製作，係可以見到師傅Blend啲雞肉。所以落單之後都大約等咗15分鐘先有得食。🔸雞白湯拉麵湯底十分之濃郁，基本上係可以飲埋啲湯，完全冇味精。朋友食過雞白湯拉麵同沾麵，佢話拉麵比較出色。🔸海老沾麵呢個都好好食😋好香蝦味，有蝦油、櫻花蝦等等，面底係粗麵，掛湯能力好高😋之後我都加湯再飲埋啲湯😛不過夏天小店就有少少似冇冷氣，店家特登放咗芭蕉扇喺吧枱位，會一路食一路出汗，如果冬天食就好啦🙈