由於係平日同食比較晏既時段,餐廳無full晒,我地就好幸運咁坐到較舒服既位喇
先黎當然係刺身先,今次最有驚喜係鮑片,好鮮甜,另外三文魚都好厚切呀,
至於其他刺身,可能冰凍個頭,未解凍得夠,鮮甜度差少少
一系列既創作壽司幾出色!芒果花之戀係最愛!芒果好甜呀
呢到都有幾多海鮮既食物款式揀,同朋友叫左呢個避風塘黃炒蟹,有完整既蟹蓋架,食既話就主要係蟹鉗多,雖然唔係好多肉,不過都係好特別既菜式
鍾意食蟹既話,順便介紹埋呢個至尊蟹皇瑤柱海鮮粥,個粥底煲得好綿味道唔錯,而入面真係有海鮮!有隻蝦同蟹肉,食得太滯既話大家可以考慮下叫返個粥
避風塘山葵粉炒鴨舌,一上碟既時候俾啲炸蒜多到嚇親
不過亦因為夠多蒜既關係,入面啲鴨舌好入味,而且唔怕熱氣既人既話,應該仲會好鍾意啲炸蒜tim!
最後既小驚喜o係係甜品到,而家雖然有好多放題都已經食到movenpick雪糕,但多數都係得朱古力味/士多啤梨味,而呢到原來有"季節限定"既味道,專登問侍應係咩味,原來係咖啡合桃,即刻揀左呢個!!
係之前無試過既味道!而當然係唔會失望啦!咖啡味好香,係今次放題既一個good ending
