影片
更多
2017-11-29
679 瀏覽
一直聽聞深水埗有間街坊食店, 専賣台式米苔目, 記得係台灣食過類似既食物, 其清甜湯底同埋味道令我留下深刻印象, 今次一於下決心去拜訪呢間小店。係深水埗鴨療街, 出地鐵站左轉行兩分鐘就到了。一坐低店員姐姐好快就比餐牌同埋主動問係咪第一次食, 洗唔洗介紹食物, 友善態度加分呢。由於我一心黎試米苔目, 而且我唔食辣的, 所以一早已鎖定清湯既米苔目, 其實感覺好似食車仔麵咁, 自選湯底同麵底, 價錢已包2餸, 想再食多啲餸就每款7蚊再加。我揀左清湯, 原來係由大地魚熬成既湯, 之前自己會特登買大地魚粉煮湯, 因為果種清甜係好正, 呢到都幾清甜, 無想像中濃, 但飲得出無加味精, 健康湯底也~ 餸我揀左豬潤 雞肉 冬菇 豆卜同埋木耳, 最得我歡心, 一定係雞肉, 因為雞肉切得非常薄片, 雖然近乎無肥膏, 但依然爽口且充滿雞肉香味, 吸左湯更鮮味, 冬菇亦係大大隻, 有嚼頭, 同平時食落既車仔麵冬菇不同, 平時果啲煮好哂, 所以會吸左較多濃湯同油, 但呢到既餸係即叫即煮, 所以唔會有吸油情況, 雖然要等多少少時間但就值得呢!!主角米苔目好似幼細既銀針粉咁, 相比之下, 佢無銀針粉咁爽彈, 但多左
係深水埗鴨療街, 出地鐵站左轉行兩分鐘就到了。一坐低店員姐姐好快就比餐牌同埋主動問係咪第一次食, 洗唔洗介紹食物, 友善態度加分呢。
由於我一心黎試米苔目, 而且我唔食辣的, 所以一早已鎖定清湯既米苔目, 其實感覺好似食車仔麵咁, 自選湯底同麵底, 價錢已包2餸, 想再食多啲餸就每款7蚊再加。
我揀左清湯, 原來係由大地魚熬成既湯, 之前自己會特登買大地魚粉煮湯, 因為果種清甜係好正, 呢到都幾清甜, 無想像中濃, 但飲得出無加味精, 健康湯底也~
餸我揀左豬潤 雞肉 冬菇 豆卜同埋木耳, 最得我歡心, 一定係雞肉, 因為雞肉切得非常薄片, 雖然近乎無肥膏, 但依然爽口且充滿雞肉香味, 吸左湯更鮮味, 冬菇亦係大大隻, 有嚼頭, 同平時食落既車仔麵冬菇不同, 平時果啲煮好哂, 所以會吸左較多濃湯同油, 但呢到既餸係即叫即煮, 所以唔會有吸油情況, 雖然要等多少少時間但就值得呢!!
主角米苔目好似幼細既銀針粉咁, 相比之下, 佢無銀針粉咁爽彈, 但多左份米漿香味, 無咁粗身感覺上無咁飽肚, 但因為實在好大碗, 份量十足, 所以食下食下都好飽呢。
我實在是豬潤愛好者, 所以即使本身碗粉已經叫左豬潤, 都係忍唔住要叫多碟小食豬潤呢!!! 由於唔食得辣, 原來可以走辣, 太好lu!!! 一碟份量頗多, 有近乎十片, 而且每片都超大片, 有手掌之長度呢!! 雖然走左辣, 但滿佈既蒜蓉令佢滋味度不減, 濃濃既蒜香同豬潤好夾, 豬潤爽彈無比, 比起出名既豬潤麵店更有水準, 要知道處理豬潤得宜並唔係件容易既事呢, 略獨係個人偏好厚身既豬潤, 呢點就有點意猶未盡, 但其爽勁依然令人回味。
涼拌青瓜
本身係叫左涼拌蓮藕, 不過岩岩好賣哂, 唯有轉做青瓜, 雖然係簡單既食材, 但依然風味十足, 有別於其他青瓜, 呢到更有一份清新之感, 比出面食既更爽脆新鮮。
飲品選擇十分之多, 淨係蜂蜜系列已經有十款選擇, 我揀左蜂蜜紅蔘薑, 蜂蜜滋潤温暖, 薑味同時突出, 甜中帶辣既感覺冬天飲真係好合適~
好滿足呀
店鋪連鋪面同廚房只有三人, 但店主依然好熱情咁招呼每位客人, 更會問客人覺得味道如何, 一碗粉麵確實唔會貴得去邊, 但價值就在於背後一直努力經營既心機同埋汗水, 每碟食物都食得出新鮮同有水準, 就係因為店員堅持即叫即製同埋用最好既食材, 會再黎感受呢份味道~~~~
張貼
