圓山台灣料理 (已結業)

我想去台灣旅行食食食, 但基於最近工作實在是太忙喇，抽唔到身，所以我就搵左一間台灣料理治治痕喇。哈哈!!! 呢間台灣料理，幾受大眾歡迎，而且位置方便，啱晒我呢D 唔想行咁遠就可以搵到好野食既人呀。環境寬敞，最重要係圓抬，傾計又方便。一黎到就叫一壺人參烏龍嘆下先。呷一口，有種回甘的清香。前菜係我最愛既拍青瓜呀。屏東小炒皇 – 炒得夠火喉，材料超豐富，內有白飯魚乾、魷魚仔、蜆肉同埋韮菜一齊炒，拌飯或送酒均可。擔仔麵 – 每人都叫左一碗。細細碗，啱晒細食既我地呀。麵質超滑又爽口，表面有肉粒，拌混一齊食。正!鹽穌雞 – 每次去到台灣必食架，黎到圓山我好開心食返個種外脆內嫩既感覺呀，自己一個都可以食晒成碟呀。仲有豆腐花一定唔少得你啦，我地兩個人叫左一桶，入面有6碗，我地都可以食晒。因為真係又滑又香，最重要夠熱嘛。