立濱 (已結業)

呢間日式小店評價唔錯又唔貴，仲要係黃店，試試佢先～我地都揀左omakase，師傅先問我地有無咩唔食，跟住送上前菜，前菜係漬物有牛蒡、蘿蔔、蒜頭，每款都好食，蘿蔔口感好似食緊菜脯咁，蒜頭食落無辛辣感，唔會食完成陣蒜味😛Omakase有十件壽司，分別係真鯒、仁座鯛、真鯛、鮮帆立貝、縞鰺、真鱸、醬油漬吞拿魚、中拖羅同馬糞海膽，介紹下其中最有印象同大推嘅壽司啦～✅鮮帆立貝 勁肥美厚肉又鮮甜，好滿足呀😋✅赤蝦加蝦頭膏師傅用火槍燒蝦頭膏，燒個陣已經聞到好香不得了，赤蝦爽口食落起膠👍🏻✅醬油漬吞拿魚醬油漬可以中和吞拿魚酸味，食落亦無筋✅炙燒左口魚裙邊另外散叫左呢款，食落滿滿嘅油脂感，入口即融，必點呀😍最後有甜品結尾，店員叫我地食左tiramisu先再食寒天，tiramisu千層蛋糕味道唔錯，寒天清甜可以清一清口腔😄師傅會逐件壽司同我地講解名稱、種類、調味同口感，師傅亦好細心，知我用左手特登擺個陣就返角度等我易夾d，店員服務貼心餐廳用料又新鮮，全餐飯食得出小店好用心唔係hea做，高質又抵食係一個幾好嘅體驗😙用餐時間一小時，小店座位不多，食個陣見有唔少人walk in摸門釘🙈，想食嘅記得要提早book位