溏串小町 (已結業)

朋友因為住大埔，佢介紹咗我一間比較冇乜人知嘅小店，咁我地今次就去試下依間質素如何啦入面佈置都幾特別，好有日本feel，坐位亦都夠多同地方夠大依度落單幾特別，會俾個QR code你掃，跟住係網上落單，確認左之後就會送餐俾你鱈魚干惹味，配埋蛋黃醬一流，依個小食配啤酒會好正，但我哋今日就用汽水送都唔錯架😙海膽炒飯，飯上面有新鮮嘅海膽，撈落飯入面食唔錯，個飯份量亦都十分之大，兩個人唔會食得晒大家見到個粟米一上台都俾佢嚇親，平時串燒嘅粟米都係細細件，但佢足足有三大舊，兼且仲要係好甜嘅，開心😃，翠玉瓜個樣雖然普通，但勝在夠熱，係ok架雞軟骨亦都非常大碟，炸得夠香脆，調味亦都做得十分之好，骨亦夠軟，呢個真係食到停唔到口呀冬菇雞翼食雞翼最後再叫咗香菇、雞腎、墨魚串、雞翼呢啲串燒，佢唔似普通串燒店會有勁多孜然粉，但佢有自己嘅調味，我反而鍾意咁樣唔太重口味，真係要值得一讚