55
3
5
港鐵太和站 A 出口, 步行約9分鐘 繼續閱讀
電話號碼
94446815
開飯介紹
餐廳內部裝潢有如居酒屋,提供刺身、串燒、壽司等日式料理,同時亦提供日式的主食,如湯烏冬、鰻魚飯等。 繼續閱讀
營業時間
今日營業
12:00 - 15:00
18:00 - 00:00
星期一至日
12:00 - 15:00
18:00 - 00:00
付款方式
現金
其他資料
網上訂座
賞訂座積分
有關獎賞計劃
食評 (64)
等級4 2020-02-03
90 瀏覽
前排經過小巷,得知附近又開左間新餐廳🤩 仲要係🏮日式居酒屋🏮黎添❗️趁住今晚呀媽番左大陸冇人煮飯,就叫左寶寶過黎陪我食😝小店嘅裏裏外外都充滿日式風格💕而且用上好新潮嘅QR code形式落單🤓所以Menu只有幾個拼盤嘅內容。我哋睇緊嘢食期間,店員已經先嚟一個前菜—枝豆🤩芝麻八爪魚口感新鮮爽口,芝麻汁濃郁❣️絕對唔係超市貨色👍🏻串燒拼盤呢個拼盤有:燒五花腩、燒蝦、燒菠蘿、燒翠玉瓜及燒冬菇。隨拼盤仲提供咗兩種調味粉比顧客自行調味🤓分別係香草檸檬粉➕麻辣味鹽~經一番測試之後,我同寶寶都比較喜歡麻辣味鹽😝🥩五花腩厚薄適中,肉同油脂分布亦好平均,趁熱食一流🤤🦐蝦肉好新鮮❗️咬落好有質感、好實在,無霉嘅壞肉,亦冇雪藏味,唔錯👍🏻✨菠蘿酸酸甜甜又好多汁💦好適合用嚟中和一下串燒嘅鹹味☺️🥒翠玉瓜口感爽脆,一咬落去,瓜嘅汁液隨即必哂出嚟😍 冇得輸呀❗️翠玉瓜真係好適合用嚟串燒😋唐揚炸雞炸粉好薄身🉐 雞肉鮮嫩而且份量豐厚❣️不過食落就唔太似日式嘅堂唐揚炸雞,比較似唐揚✖️鹽酥炸雞😝角切魚生飯主要有:油甘魚粒、三文魚粒、青瓜、雞蛋、蟹籽❗️雖然係魚生粒,但係口感都好爽滑,分量適中,女仔一定夠食💕和風牛肉飯配日本溫泉蛋賣相唔錯👍🏻 牛肉唔韌亦唔算太肥太油~溫泉蛋撈飯配埋牛肉係個好完美嘅配搭😝.要讚一讚服務員嘅態度真係非常友善,而且效率好高❗️放食物落枱都有講菜名,而且好有效率地收拾食完嘅碟👍🏻成晚一句「唔該加茶」都唔需要嗌,但係隻杯永遠都有茶飲嘅🙈.整體來講,價錢唔貴、坐得舒服、服務好,值得再嚟❣️ 繼續閱讀
(以上食評乃用戶個人意見 , 並不代表OpenRice之觀點。)
某日同家人經過呢間小店 .. 已經即刻比佢門口吸引住喇 木造既大趟門, 掛滿著左燈既日式燈籠, 夜晚睇好靚, 好有日本祭典夜既感覺 原來係新開既串燒小店黎.. 一於入去試下啦 : ) 未落單, 員工就先奉上熱辣辣的玄米茶, 聞到好甘香既味道 : ) 然後, 員工解說 呢度係用QR CODE網上系統睇MENU同落單 ~ 欣賞! 環保之餘 又唔怕有落錯單/ 漏單問題, 仲有 樣樣野都有埋圖睇架~ 其實一入黎就發現 環境好正 !! (係門口睇以為入面會好細好窄.. 點知唔會) 坐得好舒服~ 枱與枱間 有足夠距離! 店內仲播埋日文歌, 加埋D裝修, 真係好有日本居酒屋既感覺呀 ! ( 員工唔算多 但你要幫忙個陣 好易搵到人幫忙! 加茶亦加得好密 ) 呢度食物款式好多! (什至有比小朋友食既兒童餐啊~~) 有串燒燒物, 炸物, 刺身, 壽司, 主食飯, 小食, 沙律, 手卷, 卷物同甜品… 仲有唔同種類既拼盤啊~ 多人黎叫就最方便 玉子壽司(2件)$28 望落無乜特別, 但食入口蛋味好濃呢~ 壽司飯唔太大件, 有少少日式醋香味, 不錯啊~~ 清酒煮蜆$58 呢個清酒湯底味既味道就比較清淡… 好彩蜆肉本身幾有鮮味! 呢一款份量好似少左D… 海膽炒飯$78 呢一款係限量供應架 !! 真心係性價比高的一款 ! 海膽份量唔少 !! 仲加左蟹籽入去~ 味道鮮 炒飯好好味, 粒粒分明, 我地將海膽, 蟹籽同炒飯整個撈埋一齊食~ 每一啖飯都食到好香既海膽味! 中間仲夾離住蔥粒同蛋碎, 味道同口感都豐富啊~ 必叫 串燒拼盤$138 包括: 豬五花腩+菠蘿+香菇+雞翼+海蝦+翠肉瓜 另外配左2款店家自製調味粉:: 香草檸檬粉 & 麻辣海鹽 豬五花腩:: 我媽媽最鐘意的款式, 調味到位, 食入口幾juicy 菠蘿:: 係keep到最尾先食 都仲暖粒粒的一款, 鮮甜多汁 冬菇:: 日式燒汁好香同惹味, 所以好好味 翠肉瓜:: 平時我唔食架.. 不過呢度因為沾左惹味既日式燒汁燒香左.. 所以幾好味~ 雞中翼:: 個人覺得係必叫呢, 雞翼烤得好香脆 又唔過乾~ 大蝦:: 得一隻… 唔夠喉 : ( 食得出蝦肉幾新鮮, 口感彈牙 特盛牛柳串$68 呢一款略嫌牛肉有少少overcooked, 所以有點乾身 燒雞脾菇$19 (限量供應) 發現呢度既菇類都做得不錯, 厚切的雞脾菇好juicy多汁!! 係令人想encore的一款~ 日本雞肝$48 小秘密: 其實今次係我第一次食雞肝 好熱辣辣咁上枱, 雞肝有少少似一咬即化開既質感~ 原來都幾好味食完第一輪.. 我地覺得唔係好飽, 所以就加多一輪啦~~ 和風牛肉飯配日本溫泉蛋 $68 估唔到呢個會咁大碗呢! 食完之後我地都飽左XD 牛肉肥瘦適中, 仲有唔少洋蔥片在內~ 撈埋溫泉蛋, 成碗都有蛋香啊 不過覺得醬汁可以少返d.. 令飯粒無咁濕呢 健康既我地 叫左個 日式醬油炒雜菜 $38 有翠肉瓜, 雜菇, 秋葵, 椰菜, 紫椰菜同木魚絲 雜菜炒得幾淋身~ 配埋適量既醬油, 幾好食 又幾抵食 日本雞腎 $48 覺得呢個實在太少調味… 如果可以加返D調味會好食好多~ 食完我地飽到傻左.. LOL 總結:: 覺得呢間係一間有heart既小店, 食物款式夠多, 員工好細心同有禮貌 環境佈置有心思, 落單流程亦都好順暢, 價錢合理 (特別係有D限量款式!!) 而食物質素方面 大部分食物都做得不錯, 只係有少部少仍有進步空間~ 係會再回頭食的一間 : ) 繼續閱讀
(以上食評乃用戶個人意見 , 並不代表OpenRice之觀點。)
良久沒有跟好友聚聚 難得是大家都住同一區 隨時飯聚都絕對無問題 網遊時搵到呢間滿有日本風既餐廳 名叫溏串小町 裝潢有點似日本居酒屋 內裡風格都尤如門面般都頗有日系風地方是濶落乾淨 不過略嫌坐得不算舒適 安坐下來才知道餐廳是以QR code點餐 果然是新派餐廳 感覺亦頗環保望望電子餐牌 種類都不少刺身、串燒、壽司、燒物、主食酒水飲品甜品都一應俱全 仲有期間限定同推介 不過以當日所見 售罄的款式都不少 可選的沒有餐牌上的多 串燒拼盤+燒牛舌+燒雞肶菇 拼盤內容其實頗豐富 有菠蘿、香菇、翠肉瓜、雞翼、海蝦同五花腩 雞肶菇以及翠肉瓜燒得剛好 咬落軟腍仍有juicy感覺香菇咬口就略為遜色 加上食落有點苦澀味道 有點不太討好 海蝦單看外表是燒得不錯 味道亦不會一味死鹹 不過口感不爽口彈牙就是 最最最令人失望是雞翼同五花腩 略嫌燒得太乾身了 有點欠缺口感 雞翼感覺如同吃柴皮般 不單肉汁欠奉 而且燒得過火了 五花腩質感已經夠薄 吃起來咬不到兩口就已經完 燒得既不腍也不脆身 有點不知道自己在吃什麼 是有點失望 牛舌也有點失水準 質素有點不一 唯一覺得菠蘿是最好 汁多清甜 是唯一可取 清酒煮蜆 這個也有點小失望 吃起起完全沒有清酒味道 蜆肉也不太飽滿 而且蜆也沒有吃得出鮮味 只能嚐到淡淡鹹味 汁燒牛肉飯 賣相是挺不俗的 牛肉是用上肥牛製作 那當然不會是高質素 脂肪頗多 牛肉味道偏淡牛味不算濃郁 醬汁不算多亦略嫌淡口 味道的確不似如期燒三文魚頭 上枱時的確有點吃驚 因為見到略為帶生 雖然明白三文魚可以生吃 但點燒三文魚頭就是不想吃生 最後同店員溝通過後是全熟上枱 魚肉雖然不算好鞋口 不過再燒過既魚肉肉質有點帶乾 而且油脂同水份都流失了 吃起來沒有肥美鮮味既感覺 雖然外皮仍帶點香脆 唯獨口感就是有點差 有點小可惜 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-13
362 瀏覽
今日爸爸放假 專程來大埔吃喝玩樂~熱愛東洋野食嘅一家,我地係太和1帶搵咗間居酒屋食晏呢間座位都幾多,點餐方式用QR CODE 幾新穎又環保重點係呢間門口有好多香港人加油打氣嘅說話叫咗個兒童餐比情情望落都好豐富呀有炸雞 八爪魚腸仔 紫菜飯團 醬油湯烏冬 茶碗蒸 水果啫喱 同蘋果汁紫菜飯團整得好別緻 係用左紅蘿蔔同芝士 好睇又有營養 紫菜仲脆卜卜 小朋友好中意而我地大人都叫左幾款有海膽帶子刺身 好新鮮 5好有臭味 好彈牙炸雞 外面香脆 裏面juicy仲有2款可樂薯餅 1款豬肉 啲汁流哂出黎 呢1款係雜菜餅 5會太油 脆卜卜岩岩好媽媽我叫左個三文魚皮壽司 幾特別又稀有嘅做法 面頭燒香過 肉汁又係勁juicy 食完一舊又一舊呢間店員都幾nice 下次去大埔可以又訪 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-10
649 瀏覽
I🍴 大。埔。 居。酒。屋🍴🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽今日跟大家介紹一間位於 大埔翠和里的食店「溏串小町」又一個星期五晚上去大埔找食餐廳 外面是以日本居酒屋為主內裏地方闊落,乾淨。餐廳係以 q r code點餐, 客人可以直接看到你點選的食物及總數。😛😛😛😛😛😛😛😛😛😛😛事不宜遲,來看看今天吃了什麼🤗🤗🤗🤗🤗🤗🤗🤗🤗🤗🤗串燒拼盤$138有翠玉瓜,香菇,海蝦, 豬五花腩, 燒菠蘿開邊雞中翼。共6樣。翠玉瓜香菇海蝦味道 一般跟外面吃的差不多燒菠蘿總共有七片, 味道不錯很開胃。雞中翼吃得很方便,因為他已開邊。水牛芝士條 `$48最重要是炸到半溶,水牛芝士有拉絲,所以炸至金黃色已差不多可以了。呢度嘅水牛芝士掉就 恰到好處, 外脆內軟。脆脆的外皮 包著半濃的芝士.燒豬頸肉$42豬頸肉切得薄薄的容易入口, 他的擺設也是方便客人夾起😋😋😋😋😋😋😋😋😋這間餐廳主要是以大埔街坊為主, 價錢中間不算太貴,值得一試。🍴🍴🍴🍴🍴🍴🍴🍴🍴🍴🍴🍴🍴💯💯💯💯💯💯💯💯💯💯💃💃💃💃💃💃💃💃💃💃*☎:9444-6815🏠: 大埔翠和里5號 麗和閣地下D1號🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽*🕐:12:00-00:00💬💬💬💬💬💬💬💬💬💬 繼續閱讀
(以上食評乃用戶個人意見 , 並不代表OpenRice之觀點。)