大瀛喜日本料理 (已結業)

卷物都有好多款可以揀！叫左和牛卷，鰻魚芝士卷，芝士軟殼蟹卷，櫻花珍寶蝦卷，花之戀等等花之戀好有層次感同口感，好好味，芝士鰻魚卷同軟殼蟹卷就好特別，溶左既芝士加埋甜甜既鰻魚，味覺上好襯d飯就酸甜適中。自己最鍾意就係鰻魚芝士卷同櫻花珍寶蝦卷。 鰻魚同芝士真係好夾，成個壽司卷好有層次，蝦卷就好好味，唔會太咸 而其他款式卷物壽司都好好味D炸物都好出色，炸得好脆，同時每件size 唔會太大, 唔怕食滯,食完仲可以食到好多其他野 流心一口芝士好濃郁, 黃金炸生蠔好新鮮。本身驚d 炸物入面會好熱, 但係食落入面唔會太熱，正炸蝦味道好正，外脆裡嫩中間鮮甜，色澤好靚，入口味道都係蝦鮮味為主芝麻雞翼就外脆內滑，好好味，食完一隻又一隻。一口牛,口感鬆軟，肉唔老，好勁蒜香味，同牛肉味好夾牛舌真係好正，入面肉汁保留得好好 ，好夠味，唔太咸又有口感湯底用左燒汁，味道偏向甜，材料豐富，有牛肉、菜、金菇豆腐等等...屬清淡之選，配合其他放題濃味食物，當飲下湯都幾正！~