江順河鮮 (已結業)

呢度食物質數真係好一般，所有comment已經打晒係D相。服務態度可以用差睇形容，個“豉汁醬爆鱔皇丁"係生的，同埋超腥，估唔到第一次食鱔就係咁，同個女侍應講可唔可以換過一碟俾我地，佢死都唔肯，不過我地真係腥到食唔到，死都唔肯罷休要佢換，結果佢就叫廚房炒返同一碟熟嘅出黎，我地再嘗試去食，我食左2舊就想嘔，因為仲係好腥，於是我地再叫另一個部長黎，問佢可唔可以換，佢初頭都唔肯換，仲同我地講“鱔皇”係腥腥地，唔可以換，我地又係極力要求佢一定要換，最後佢換左個“椒鹽鮮魷”俾我地，不過，價錢要我地俾返鱔皇價，即係我地點樣都蝕。呢間野最特別之處就係一路食，一路見到隔離左右有人投訴，一係話d野食唔得，一係話冷氣滴水(請注意，人地擺到滿枱都係食物，佢正正喺人地D食物上面用條餐巾去抹D冷氣水，D冷氣水就一路滴返落D食物度，我接受唔到囉，好唔合衛生。)，一係就收貴人地錢，攪到我地好忙好多野睇。