19
10
8
港鐵尖沙咀/尖東站 H/ R 出口 繼續閱讀
所有分店 (1)
電話號碼
2368 8968
付款方式
Visa Master 現金
其他資料
酒精飲品
加一服務費
海景景觀
食評 (40)
等級3 2017-04-11
677 瀏覽
外國朋友最後一日喺香港咁我就約出去食brunch,但我朋友好想喺香港呢段時間去見識下香港嘅飲茶, 咁我就近近哋帶咗佢哋四個去佐位處於isquare25樓既順江河鮮菜館,呢間餐廳嘅環境優美,座位闊落,落地玻璃可以觀望180度維多利亞港嘅景色, 環境十分之正!今次我哋一行五個人,點咗好多點心 , 包括有江順水晶蝦餃皇陽光豉蒜蒸肉排桂林名醬蒸鳳爪潮州蒸粉果百吃不厭鹹水角海味香煎蘿蔔糕碧綠晶瑩鮮蝦腸粉手打鯪魚球粥皮蛋瘦肉粥南非鮑魚燒賣美極乾炒牛河因為今次點嘅嘢食品種太多, 所以我只係打算同大家分享我最深刻嗰幾樣點心! 碧綠晶瑩鮮蝦腸粉佢哋呢一個碧綠晶瑩鮮蝦腸粉, 其實簡單啲嚟形容就係精緻小小嘅蝦腸再加少少菜! 佢嘅皮質滑口, 蝦嘅Size夠大,入口嘅感覺滑嘟嘟而且有咬口! 呢一道菜大人細路都鍾意呀!南非鮑魚燒賣呢一個南非鮑魚燒賣我印象十分之深刻, 我第一次見到酒樓擺一嚿鮑魚仔喺個燒賣上面當係特別菜式咁賣! 我覺得呢一道菜係一個噱頭嘢! 因為鮑魚本身其實係冇乜味道,但係口感好彈牙. 我食落口個下主要食到嘅味道都係來自於燒賣裏面個豬肉餡, 咁好坦白嗰句叫個普通燒賣都有咁嘅味道啦! 但好坦白講呢一道菜過買相十分之靚, 但以38蚊再加一買三粒咁嘅鮑魚燒賣點心,亦即係話每粒都要十幾蚊嚟講, 本人就覺得唔係咁值啦, 原因就係之前講過啦鮑魚本身冇乜味㗎, 咁咪即係同食普通燒賣冇乜分別囉只不過多咗個彈牙口感咁解咋嘛!但係扣除價值淨係講味道嚟講佢都算唔錯!皮蛋瘦肉粥呢間餐廳嘅皮蛋瘦肉粥我印象好深刻, 佢哋用料十足!皮蛋同埋瘦肉嘅份量都好多下,入口嘅時候唔會覺得有一種好重嘅味精味, 粥亦都好滑十分之容易入口, 呢個粥同其他呢間餐廳嘅出品一樣唔會太鹹! 美極乾炒牛河呢道美極乾炒牛河, 味道唔錯, 但坦白講我食唔出美極同一般老抽生抽炒出嚟嘅牛河嘅區別, 牛肉分量足夠, 河粉夠軟熟, 但入口嘅時候就感覺到佢係欠咗啲鑊氣, 但係我都想講呢一樣嘢其實好主觀, 有鑊氣嘅乾炒牛河好多時都係肥膩啲嘅, 呢到嘅乾炒牛河有一個好明顯嘅長處就係, 佢用嘅油較為少,食落去唔肥膩亦都唔會好似一般乾炒牛河咁好咸好重口味, 好適合一啲怕食太鹹嘅朋友! 總括嚟講今次嘅用餐經驗算係唔錯, 餐廳嘅環境乾淨企理, 落地玻璃可以引進室外自然光以及讓食客觀看180度維多利亞港景色, 食物方面亦都唔差,絕大部分嘅菜式都唔會太鹹,口味會比一般粵菜偏淡! 好適合一啲上咗年紀有高血壓嘅朋友又或者一D唔鍾意食味精或者重口味嘅朋友! 最後順帶一提呢度既茶介係以每位15蚊計算, 而入座嘅時候檯面上係有兩款小食, 而每一款嘅小食係十蚊, 呢間餐廳亦都會向客人收取十個percent服務費嘅! 今次用餐嘅消費總共係522蚊再加上$52.2 嘅服務費折合總共574蚊!以5個人嚟講呢一餐嘅價錢亦相對合理.  繼續閱讀
(以上食評乃用戶個人意見 , 並不代表OpenRice之觀點。)
等級3 2016-07-28
5722 瀏覽
朋友生日,想找個坐得舒服,不想分時段,不想限時,不要收切餅費的酒樓,原來真的不易,況且還要在尖沙咀呢諗食什麼菜是最煩的任務,所以叫個套餐就好了瓦撐煎焗大魚頭,這道菜真的色,香,味,俱全,一上枱便聞到陣陣香味,蔥和蒜的份量不少每人都有半邊魚頭,份量真夠魚頭是先走油,所以很香口,肉不多,但味濃,吾腥,雖然是炸過,但肉仍保持嫩滑,真不愧是煮魚的專門店正菜蒸花斑魚,煮得剛好,魚肉很滑,鮮甜有魚味翡翠花枝伴虾仁,花枝爽脆,虾肉亦彈牙,爽甜竹笙雞絲大生翅,足料,雖然翅不算多,但竹笙爽口,雞絲嫩滑,口感不錯呢味道不濃不咸,但滋味十足柚子手找骨,用細展肉,肉嫩,酸酸甜甜的,每人一件,滋味無窮炸子雞嚟到嘅時候,我們已飽了八成但仍食晒,因為皮很脆,肉亦嫩,有雞味!再醮上醬汁,一件不留!最後炒飯便要打包了每個人都食得飽飽,滿足,服務員亦殷勤,令我們食得滿足及滿意!下次再有聚會不用再花時間找了 繼續閱讀
(以上食評乃用戶個人意見 , 並不代表OpenRice之觀點。)
等級4 2016-02-16
5609 瀏覽
今日同學聚會日....太耐冇見....傾左好耐計....餐廳好好呀..我地8點坐...只係嗌左3樣小食....坐到9點20分先開始嗌正餐,,,都冇比說話我地聽呀..正餐我地就嗌左..【秘制雀山蝦醬骨】同行友人話好好味....但可能我一開始就比佢個名代入左入個腦到....所以我認為應該要有蝦醬味..但食落我食唔出有蝦醬味....反而好似就咁一舊炸骨...冇汁點既...但整體佢都唔算差既...呢個正~入面有青椒,紅椒,9菜一齊煮...其實食落好似啫啫雞煲咁架...好香口...平時D伴菜唔會食架嘛....但今次所有朋友都食哂....佢其實仲落左蒜頭,同埋紅蔥頭去爆香佢架睇到...呢個我超讚好....一上碟其實見到係用西紙包住哂架...我諗呢個係焗熟佢既..但好香沙薑粉味...雞唔肥..啖啖肉呀..但其實冇紅棗味的..我諗應該係點綴而已整體今餐好滿意呀....有得食又有得傾計....重點坐咁耐都冇比人趕走..哈哈... 繼續閱讀
(以上食評乃用戶個人意見 , 並不代表OpenRice之觀點。)
等級3 2014-10-01
7965 瀏覽
佔中的第三晚, 突然行雷加暴雨,還在外面的朋友要小心。由於天雨關係, 維港都是矇矇朧朧的。一入酒樓, 感覺,很香! 再望一望, 原來差不多每一枱都有一個熱騰騰旳煲, 急不及待的都要叫一個。我們一行七個人, 可以點兩個特價小吃。首先有豬腩仔, $58, 細細碟, 味道一般。海參菜膽, 這個不錯, 海參都算多, 不算太大舊, 但份量可接受。豬手仔, 當然是伴酒的最佳選擇!京都肉排, 份量不多, 但很淋, 亦非常入味。 這個香噴噴的芥蘭煲, 熱熱的, 很香! 略多了一點葱。回鍋肉, 正常, 不過不失。三寶, 最愛藕餅!! 兩塊蓮藕夾著鯪魚肉, 既脆口亦彈牙, 有口感, 一讚! 雞, 最遲黎, 熱熱的, 份量比較少, 之後睇單原來二百幾, 有點不值, 也看不出原來是一隻雞在裡面。 大家都像不太飽所以再加兩個餸。總括來說, 沒有太大驚喜, 算不過不失 繼續閱讀
(以上食評乃用戶個人意見 , 並不代表OpenRice之觀點。)
等級4 2014-02-14
8420 瀏覽
新年時間特別多團拜吃飯...一些平常不多見的朋友總會在新年的時間聚聚...談天說地一番...尤其當大家各自有家庭及小朋友後, 約食飯更是有點難, 有朋友結婚後搬到新界, 說好要找個大家就腳的地點, 就想到尖沙嘴, 有地鐵有火車, 方便大家飯後輕鬆回家經過一輪group chat後, 決定試試這家以順德菜為主的飯店, 訂位的時候曾問過會否安排到窗口位置, 被告知窗口位置全部是12人枱, 6-8人枱是沒有靠窗的, 那算吧!準時到達後不用等便有位了, 可能仍然是新春假期關係, 店裡到坐滿了, 經理過來介紹他們的特色菜, 不斷推介我們吃魚, 價錢不算平, 以両算起來還是要2百-3百左右, 最後決定不點魚了, 點了說是招牌菜之一的"金牌銅盆蒸污糟雞", 瓦罉芥蘭, 燒脆鱔, 醬燒骨, 欖角煎蛋等雞的味道不算特別, 只是有點酒味而已, 一定不是新鮮雞做的, 但收費也要$2xx呢, 反而沒有期望的燒鱔很香口,吃下去是脆的, 瓦罉芥蘭味道亦很好, 上枱的時候香氣撲鼻呢, 醬燒骨沒有驚喜, 味道一般, 欖角煎蛋味道亦很淡..一邊吃, 一邊七嘴八舌的說過不停, 可能大家難得見面, 總要報告下大家的近况..經理見我們的菜也吃得差不多, 就走過來推介他們的特色甜品--雙皮奶...既然來了, 就每人點了一碗來試試, 味道很好, 很香最後大家一致通過, 全晚最好吃的就是這個雙皮奶甜品... 繼續閱讀
(以上食評乃用戶個人意見 , 並不代表OpenRice之觀點。)