Jazz Bird (已結業)

近年新興生酮，低碳飲食，係佐敦就有一間主張生酮，低碳既cafe, 而且仲要小量素食，岩晒朋友唔同飲食既聚餐。波波水牛芝士沙律：新鮮嫩紅既蕃茄配上水牛芝士波波，水牛芝士味道唔濃，唔會搶走蕃茄既鮮甜。蟹ball:其實係一款素小食，炸到外脆內嫩，夾埋底既沙律菜，好清新。意大利巴馬火腿pizza: 手工制既麵團配上20個月大既頂級帕爾馬芝士，pizza面上撒滿新鮮既火箭菜同巴馬火腿。Pizza口感鬆軟但有咬口，仲可以拉絲。金莎特飲：香甜既朱古力加上勁多花生碎，仲有cream, 整杯飲品飲落好滿足。雖然cafe細細，但就好多唔同款既食物等大家發掘。而家呢間仲係一間愛心餐廳，會將收入作慈善用途。