蠔灣 (金巴利道)

營業中

休息中

睇食評知道尖沙咀金巴利道有間食生蠔食到出曬名嘅餐廳叫蠔灣， 所以一試，環境及格調都唔錯但係就座位不多，大家如果想食新鮮生蠔就記得訂座。今次order咗生蠔海鮮拼盤，上面分別有5款唔同嘅生蠔，每款兩隻，由淡至濃味。有服務員逐一介紹，生蠔就絕對新鮮而且肥厚，海水味亦都唔會話太濃及鹹。其實乜都唔使點就已經可以食，或者滴檸檬汁就可以。上面亦有北海道帶子、 珊瑚蚌及大蝦，每隻都鮮味十足，而且好有海鮮嘅原味道。活龍蝦刺身就絕對彈牙值得推介。跟住有點龍蝦湯，入面嘅龍蝦肉超多而且湯味濃沃我最鍾意。而最後點咗龍蝦意大利飯，龍蝦肉好爽，意大利飯亦都煮得軟硬度適中，鎖住龍蝦汁嘅味道。鍾意食生蠔及海鮮嘅朋友一定要嚟試蠔灣啦！