影片
更多
2017-09-17
1138 瀏覽
因為突然好想食生蠔，咁岩又身在yoho mall，所以晚餐都唔需要煩食乜野啦，直入sky bar 啦！門口餐牌有個set dinner，$298 有一打蠔、一個main course、一碗餐湯、一杯白酒同埋甜品，真係好抵不過因為未到六點晚市未開始呀，所以就行多兩個圈先入去食飯～openrice 都有好多相，所以餐廳內部既環境就無影了，不過都可以口述一下呢度有標掟，有三部機，又有得打snooker～～如果係英超日子仲有波睇，可以request 員工轉台。不過呢度就無論點都要播下歌，聲量又有少少大聲對睇係睇緊波，但係耳仔係聽住d pop song 都幾唔match 同埋呢度既冷氣較得都幾凍，女士們就算天氣熱都要帶件褸入去著呢間sky bar 既樓底好高，好舒服，0壓逼感。坐位同坐位之間都唔會set 得太近（同埋我食過幾次都唔會full house），但係d 凳係鋁凳黎，no good！pat pat 少d 肉都坐到屎忽痛講左咁耐，都要講下食物先！叫左一個$298 set dinner，揀左前菜要生蠔一打，主菜要五成西冷（7oz），跟餐有杯白酒，再另外叫左杯白酒跟餐既南瓜湯，好香南瓜味好甜，
門口餐牌有個set dinner，$298 有一打蠔、一個main course、一碗餐湯、一杯白酒同埋甜品，真係好抵
不過因為未到六點晚市未開始呀，所以就行多兩個圈先入去食飯～
openrice 都有好多相，所以餐廳內部既環境就無影了，不過都可以口述一下
呢度有標掟，有三部機，又有得打snooker～～
如果係英超日子仲有波睇，可以request 員工轉台。
不過呢度就無論點都要播下歌，聲量又有少少大聲
對睇係睇緊波，但係耳仔係聽住d pop song 都幾唔match
同埋呢度既冷氣較得都幾凍，女士們就算天氣熱都要帶件褸入去著
呢間sky bar 既樓底好高，好舒服，0壓逼感。
坐位同坐位之間都唔會set 得太近（同埋我食過幾次都唔會full house），但係d 凳係鋁凳黎，no good！
pat pat 少d 肉都坐到屎忽痛
講左咁耐，都要講下食物先！
叫左一個$298 set dinner，揀左前菜要生蠔一打，主菜要五成西冷（7oz），跟餐有杯白酒，再另外叫左杯白酒
跟餐既南瓜湯，好香南瓜味好甜，個湯唔杰，隔渣都隔得好好，好creamy 好smooth
欣賞佢跟餐既係scone 唔係餐包，scone 都係烘熱左，好香又甜。
不過講真呢，個湯跟scone 個味係唔夾，但係我鐘意
生蠔
28 瀏覽
0 讚好
0 留言
主角黎啦！！生蠔一打！！
上蠔既時候無介紹到係乜野蠔黎，但係睇殼同埋食落都知入面應該係有幾款蠔係入面既
呢度隻隻都好好食！好新鮮，各有各既好味
有金屬味又唔會重味得滯搞到苦苦地，有d 直頭係鮮甜！好香蠔味
同埋肉質全部都偏爽唔會好creamy！仲有d 蠔既size 都唔會太大隻，真係一啖一隻唔會好似d 美國蠔咁，太大了！
真係好好味，毎人分得六隻真係唔夠喉，所以encore 左半打（$98)
但係encore 個d 個味就無咁好，蠔既鮮甜味唔出，都係第一round 正d
Bella - Chardonnay
$48
17 瀏覽
0 讚好
0 留言
配埋杯白酒真係一絕～～～
其實set dinner 都跟一杯白酒，就友人飲既，我呢杯chardonnay 就散叫
我都飲左一啖友人既白酒有乜唔同，同我呢杯散叫既比，佢既提子味無咁出，無咁甜，不過都算易入口。
7oz 西冷
22 瀏覽
0 讚好
0 留言
上菜個陣唔記得影，切開曬先醒起要影相⋯⋯
對個生蠔真係好高評價，唔知個西冷扒又點呢
$298 set dinner 都唔會對擺盤有乜要求，所以唔評論賣相，但係塊扒一切就知瀨左野
一切開就知唔係五成熟啦！而且有筋！好難切得開！一路切一路見到舊筋，我都已經擔心之後點食
點知放入口除左un 之外仲有另一個問題，點解舊肉咁咸既？無理由牛扒都會拎去醃架？
d 咸味已經蓋過肉味，雖然grill 過黎所以味好香，但係個陣咸味係無助加返d 分
又un 又咸，好彩塊扒係同友人share，如果一人叫一個set 都唔知點算
杏仁mousse cake
20 瀏覽
0 讚好
0 留言
跟餐既甜品，應該係杏仁mousse cake 黎
呢個甜品係好小巧的，只係我close up 影放大左佢既比例
都係普通無乜特別，正正常常既蛋糕味。無乜需要評價。
總括而言呢個set dinner 係抵既，同埋質量都算唔錯，生蠔真係幫佢拉左好多分
呢個set 我會再encore 既，但係唔會揀扒食啦，下次應該會叫意粉呢類穩陣既野食返
張貼
