大西洋火鍋

營業中

休息中

今日同家人行完葵廣後就到附近大西洋海鮮火鍋食晚飯。大西洋海鮮火鍋放題店設有生猛海鮮自助區，大量食材任選仲有椰青，雪糕，啤酒任飲。湯底有花膠雞/菌菇/蕃茄/經典麻辣/大骨湯任君選擇。生猛海鮮自助區不時店員會補充新鮮海鮮 羅氐蝦，蜆，蟹，鮑魚自己想食邊隻就自己撈邊隻。自己撈我就非常喜愛。鮑魚爽口彈牙，蝦同樣爽口彈牙仲有蝦膏香味。丸類都算好齊，肉類菜類同樣有多種選擇。除了自助區仲有手機掃Qr code 一樣有好多海鮮肉類去點餐 椰青清甜好味道，多款汽水茶飲仲有青島任君選擇。除左火鍋仲有熟食可以即食，連大閘蟹都有得食。特別d燒榴槤都有得食岩晒榴槤愛好者。