泰.夯蝦 (已結業)

呢排成日見到人哋食流水蝦，又未試過就心郁郁想去試吓啦！行過眾安街就見到好大嘅宣傳海報，見佢又做緊七折優惠，就行咗上去試一試！👍🏻海鮮重頭戲大頭蝦條條都好生猛，係流水蝦槽游來游去。蝦肉幾彈牙而且鮮甜，蝦頭仲有好多蝦膏添！（燒之前可以剪走蝦鬚同腳，會更加方便，燒緊可以加少少粗鹽更惹味）其他海鮮可以自己拎，有青口、生蠔、扇貝、小聖子同海蜆 。全部用冰鎮住，貝殼類全部都好肥美，無沙無碎。（餐廳仲送咗一人一鮑魚，刺身仲可以添食添：三文魚、赤背、馬刀背、筆記背、甜蝦、榮螺），推介扇貝，超大粒超厚肉好甜好甜好甜！👍🏻肉類試咗餐廳嘅牛仔骨，超嫩超重牛味，唔會太過口，方便我哋燒！另外亦有雞腎、雞軟骨、多款醃雞翼（咖喱、麻辣、香蒜、黑椒味）、豬頸肉等等，好衛生！👍🏻飲品甜品自助餐形式，想飲咩就拎咩！款式包羅萬有，仲有多款口味嘅雪糕，泰式甜品：椰汁糕，大菜糕、番薯糖水都有，唔夠都仲有爽甜嘅西瓜（好彩甜品有第二個胃） 👍🏻👍🏻燒到攰外面仲有即夾即食，青木瓜沙律、無骨鳳爪、炒飯、避風塘炒蝦，唔同種類都一應俱全。👍🏻👍🏻餐廳有好多個流水蝦槽，環境超級闊落，卡位相當舒適！💡有手套、紙巾、濕紙巾供應！總括嚟講呢一餐真