影片
更多
2017-09-08
118 瀏覽
經過小店好多次，但因為中午食晏時間短, 所以每次經過想試都因為太多人而打消念頭。適逢今日突然下大雨便去試試, 前面有六檯等, 好.... 一於等，因為又走幾檯, 等左10分鐘入得。唔知係咪落雨，外賣特別多, 管理外賣個姐姐就只專包外賣了。午市既選擇可以叫套餐(A+B自選)，另外也可以散叫，不過我相信如果短侐短一個鐘頭食晏連等位，都係叫套餐穩陣D。今次我地選擇左A7+B9 和 A9+B10 試試。先來兩杯豆漿 (免費包指定飲品)， 味道唔會太甜。期待的生煎包上埸了，套餐一客有兩個細細地，每張檯面有個貼紙教你點食唔會燙傷, 因為外表看你會唔覺得佢好熱，以往食過D生煎包會好油好膩口，依個真係會抺走哂以前D壞感覺，咬開頂部，看到滿滿的湯汁，好清，肉餡嫩滑有肉味。 另外小籠包上場，套餐一客有兩粒又係細細粒，食法其實同生煎包一樣，咬好頂部透透熱氣，不過依個要小心咬因為皮薄好易漏哂湯汁， 其實兩個既餡料都係差唔多，味道都是一讚再來便是主食了，芝麻醬五彩冷麵，裡面有火腿，雞絲，青瓜，芝麻醬和麵條，如果計埋芝麻醬和麵條都算叫五彩既，味道一般。另一主食是炸醬拌麵，依個我唔推介了，因為太唔像樣了，肉醬味道一
午市既選擇可以叫套餐(A+B自選)，另外也可以散叫，不過我相信如果短侐短一個鐘頭食晏連等位，都係叫套餐穩陣D。今次我地選擇左A7+B9 和 A9+B10 試試。
先來兩杯豆漿 (免費包指定飲品)， 味道唔會太甜。
期待的生煎包上埸了，套餐一客有兩個細細地，每張檯面有個貼紙教你點食唔會燙傷, 因為外表看你會唔覺得佢好熱，以往食過D生煎包會好油好膩口，依個真係會抺走哂以前D壞感覺，咬開頂部，看到滿滿的湯汁，好清，肉餡嫩滑有肉味。
另外小籠包上場，套餐一客有兩粒又係細細粒，食法其實同生煎包一樣，咬好頂部透透熱氣，不過依個要小心咬因為皮薄好易漏哂湯汁， 其實兩個既餡料都係差唔多，味道都是一讚
再來便是主食了，芝麻醬五彩冷麵，裡面有火腿，雞絲，青瓜，芝麻醬和麵條，如果計埋芝麻醬和麵條都算叫五彩既，味道一般。
另一主食是炸醬拌麵，依個我唔推介了，因為太唔像樣了，肉醬味道一般而且好"鞋"，麵條是一餅餅，點叉也叉不開，味道.....唉。
後記 : 服務態度就好一般了，需要改善。
張貼
