影片
更多
2009-03-30
19 瀏覽
又係朋友生友到處搵好野食既時候,呢餐飯都係食咗有兩個幾月,不過都好想同大家分享.4個女仔食咗7餸一甜品,嘩,做咩你班女仕們咁大食,唔洗咁驚訝, 當中有一個係湯同頭盤 (叉燒一碟),不過其實係叫多咗,所以話食野咪眼寬肚窄.1.和哥叉燒呢個叉燒同西苑完全有得揮,真係好難分高下.我只可以講西苑既叉燒肉味重d,而富聲既汁料味濃d,至於腍滑,咬口,大家都同樣出色.呢個叉燒既必吃指數係5粒星,果然係皇牌推介.2.杏汁花膠豬肺雞腳湯正到無輪,你比我飲多兩三碗都仲得,不過如果飲咁多又無quota食跟住個d好野.個湯好足料.雖則佢唔係比一隻大花膠你,不過成煲湯有成4,5隻手掌心長度既花膠,外加一堆雞腳.杏汁味好香,感覺非常滋潤,係秋冬合時之湯水.據我坐座朋友仔講,煲豬肺湯好多功夫架,要從個肺既喉管"啤"水落個肺度,跟住要"襟"返個肺裡面d水出黎,如是者要做多次,直至豬肺洗淨為止,你又唔可以偷懶,切哂d肺一件件先黎洗架,咁係洗唔乾淨既,如果洗唔乾淨仲會有蟲架!!!!!朋友唔講我都唔知呢,真係食餐飯都有野學架,佢仲話因為多功夫,所以一般d家庭主婦都唔多願煲架,唔怪得我阿媽從來都唔煲啦,原來係咁,明白明白.不
4個女仔食咗7餸一甜品,嘩,做咩你班女仕們咁大食,唔洗咁驚訝, 當中有一個係湯同頭盤 (叉燒一碟),不過其實係叫多咗,所以話食野咪眼寬肚窄.
1.和哥叉燒
呢個叉燒同西苑完全有得揮,真係好難分高下.我只可以講西苑既叉燒肉味重d,而富聲既汁料味濃d,至於腍滑,咬口,大家都同樣出色.呢個叉燒既必吃指數係5粒星,果然係皇牌推介.
2.杏汁花膠豬肺雞腳湯
正到無輪,你比我飲多兩三碗都仲得,不過如果飲咁多又無quota食跟住個d好野.個湯好足料.
雖則佢唔係比一隻大花膠你,不過成煲湯有成4,5隻手掌心長度既花膠,外加一堆雞腳.杏汁味好香,感覺非常滋潤,係秋冬合時之湯水.
據我坐座朋友仔講,煲豬肺湯好多功夫架,要從個肺既喉管"啤"水落個肺度,跟住要"襟"返個肺裡面d水出黎,如是者要做多次,直至豬肺洗淨為止,你又唔可以偷懶,切哂d肺一件件先黎洗架,咁係洗唔乾淨既,如果洗唔乾淨仲會有蟲架!!!!!朋友唔講我都唔知呢,真係食餐飯都有野學架,佢仲話因為多功夫,所以一般d家庭主婦都唔多願煲架,唔怪得我阿媽從來都唔煲啦,原來係咁,明白明白.
不過提提大家,呢個湯係要訂架,所以book枱既時候好訂定.我地今次都係好彩"冷手執個熱煎湯",本身唔知要訂,但係佢咁啱有個客唔要,我地先有咋.
最衰上次飲唔到西苑既"爵士湯",無得比較,真係"飲恨"~~~~~~!
3.酸甜菠羅咕嚕肉
本來諗住咕嚕肉唔會有多大驚喜,但係又估錯咗.食咕嚕肉有3樣野要睇.
第一,脆醬/炸粉.呢點係好關乎成個菜式既生死存亡,炸粉做衰咗,無論d肉幾好,個汁幾正都無用.富聲個脆醬就做得好,厚薄得宜,唔會食到成大舊炸粉先食到d肉.
第二,肉質.學電視d飲食節目話齋,食魚要有魚味,食豬要有豬味,呢樣真係鬼唔知阿媽係女人咩,好既肉應該係話要有肉既鮮味,唔係冰鮮個d死木木既味,唔好以為d客係傻,根本好同唔好係一試便知龍與鳳,除非係果個人唔識食既啫.當晚我地食呢個肉,就食得出係新鮮啦,比起上次去"美利堅"食同一個菜,佢就完全做唔到呢兩點加埋以下個點.
第三,獻汁.點解要排呢點係最後呢,因為在我本人來講,咕嚕肉既汁都係大同小異,當然有d做到只有色水,亳無味道 ("美利堅"正是如此),呢d係下品中既下品,不過呢種例子好少見,你求奇去買李x記都唔會攪到咁,所以我認為既然間間食店都差不多,咁可以將呢點擺到最後.富聲個咕嚕肉汁係一般大眾水平啦,唔見太大驚喜,總知so far so good.
4.脆皮燒雞
係香港食雞,都無咩祈望,因為唔會有新鮮雞,最多我地只可以考究佢既煮法,至於肉質係無得評架啦.是夜,呢個個雞都算ok,皮脆,皮薄,雞肉與皮之間無肥膏,香口,雞肉又唔會過鹹或無味,勉強可以一吃.
5.花膠帶子花枝片煲
算係交足功課,不過其實可以剔除個花枝,換多d帶子仲好,因為佢個花枝又唔係特別鮮,帶子略嫌少咗d,味道ok,比起西苑略遜一籌.
6.生菜蝦醬啫啫煲
當你置身該處,總會聽到周圍響起此起彼落既"喳喳"聲同聞到一陣又一陣既撲鼻香氣,原來係周遭既人order咗呢個生菜蝦醬啫啫煲.個煲上枱係超級熱辣辣,"之之"聲,到佢一打開煲蓋撈d蝦醬就變成"喳喳"聲,呢d簡直就係食物既交響樂,唔止睇到,食到,仲聽得到.一句講哂,生菜夠嫩 (用玻璃生菜),用質地好既蝦醬同一個夠熱既沙煲,已經可以做得好perfect,無需其他已能引起你既食慾.
7.xx炒飯
因為唔係我點菜所以唔知呢個炒飯既正確名稱.材料有蝦,叉燒,蔥粒.飯同料既比例合宜,,飯粒分明,雖不見驚喜,但一定屬於合格個隻
8.糖水
是日糖水有幾款任君選擇,好彩無我認為最例牌既紅豆沙啫,如果唔係扣哂印象分.有楊枝金露,紫米露同姜汁湯圓可以選.我就選咗楊枝金露,其他朋友選紫米露.先講楊枝金露,個料足,不過係芒果汁唔夠,如果多芒果汁會好食好多.至於紫米露我都試咗,因為阿姐拿多咗碗比我地,不過因為太飽了,試咗兩匙,但都覺好食,不太甜,紫米煙靭,仲有d椰果,如不是我飽實食哂.點之兩日後阿蘇係電視話佢既湯圓原來好正架,唉,如果我早知就會要湯圓啦,鳴~~~~,真係無口福.
總結:
如果滿分比十分的話,呢餐值8.5分,整體個水平都好高,不愧是名人飯堂.
張貼
