影片
更多
2022-09-27
124 瀏覽
Sogo附近特別多日本餐廳，今日就約咗一個就快生日嘅朋友過嚟食鐵板燒。但係係因為我朋友實在太忙，所以book到位嘅時候已經冇晒鐵板位，普通位都有度好，可以靜靜地傾吓計。餐廳分咗兩邊鐵板燒位置，中間就係普通座位。坐低冇耐店員就奉上玄米茶同兩壺意大利玫瑰花茶，玄米茶香濃飲落相當厚身。而清新嘅意大利玫瑰花茶應該係用嚟幫助解膩。👉🏻虎鐵套餐二人前 $2880▪️牛油果海蝦沙律沙律醬汁微酸，配牛油果同埋爽口嘅大蝦，開胃嘅前菜。▪️蟹肉海膽松露溏心蛋賣相精緻，上邊係鋪咗金，第一啖食落去就係黑松露嘅香味，然後將食到鮮甜嘅海膽同埋蟹肉，更加帶出到蛋黃嘅香味。▪️火焰帆立貝師傅將帆立貝整到半熟，上枱嘅時候淋酒嚟燒。碟上面放咗一片拍攝，經過燃燒之後香味會滲入帆立貝，帆立貝肉質鮮嫩，而湯汁帶黑松露香味。▪️活鮑魚配蟹肉海苔醬自南非嘅鮑魚超大隻！熟度啱啱好顯出師傅嘅功架～ 鮑魚爽口彈牙，師傅冇刻意去調味，淨係鮑魚本身嘅鹹香味已經好鮮。但係餐廳都特意調配咗清新嘅蟹肉海苔醬，等心思思想試多啲味道嘅人多一個選擇▪️活龍蝦配海膽醬原隻澳洲龍蝦拆肉，半熟嘅鮮甜彈牙。配上師傅調製嘅海膽醬更加惹味，不得不讚師傅將食用玫瑰花🌹作為點綴
餐廳分咗兩邊鐵板燒位置，中間就係普通座位。坐低冇耐店員就奉上玄米茶同兩壺意大利玫瑰花茶，玄米茶香濃飲落相當厚身。而清新嘅意大利玫瑰花茶應該係用嚟幫助解膩。
👉🏻虎鐵套餐二人前 $2880
▪️牛油果海蝦沙律
沙律醬汁微酸，配牛油果同埋爽口嘅大蝦，開胃嘅前菜。
▪️蟹肉海膽松露溏心蛋賣相精緻，上邊係鋪咗金，第一啖食落去就係黑松露嘅香味，然後將食到鮮甜嘅海膽同埋蟹肉，更加帶出到蛋黃嘅香味。
▪️火焰帆立貝師傅將帆立貝整到半熟，上枱嘅時候淋酒嚟燒。碟上面放咗一片拍攝，經過燃燒之後香味會滲入帆立貝，帆立貝肉質鮮嫩，而湯汁帶黑松露香味。
▪️活鮑魚配蟹肉海苔醬自南非嘅鮑魚超大隻！熟度啱啱好顯出師傅嘅功架～ 鮑魚爽口彈牙，師傅冇刻意去調味，淨係鮑魚本身嘅鹹香味已經好鮮。但係餐廳都特意調配咗清新嘅蟹肉海苔醬，等心思思想試多啲味道嘅人多一個選擇
▪️活龍蝦配海膽醬原隻澳洲龍蝦拆肉，半熟嘅鮮甜彈牙。配上師傅調製嘅海膽醬更加惹味，不得不讚師傅將食用玫瑰花🌹作為點綴，令到呢碟龍蝦更加精美
▪️日本熊本A5和牛厚燒 & 香煎野菜基本上已經唔使點任何鹽或者黑椒，就咁食和牛嘅油香已經足夠，想在香口啲可以夾埋熟蒜片一齊食，炸蒜片同埋牛肉永遠都係最佳配搭。而野菜係南瓜茄子同埋大菇，同和牛一齊可以中返油膩感。
▪️刺身帶子豆腐鯛魚湯帶子鮮甜豆腐軟滑，配上濃郁魚味嘅鯛魚湯，鮮甜又完全唔覺得腥。
▪️黑松露三文魚子海膽杯炒飯啲海膽多到我哋咁嘅樣😦海膽鮮甜，又有黑松露嘅香味，加埋三文魚子口感就更加特別，炒飯乾身，粒粒分明。
▪️鐵板梳芙厘雪糕梳芙厘軟熟香甜，搭配芝麻或者豆腐味嘅雪糕，用嚟圓滿結束呢一餐豐盛嘅晚餐。
Services 其實都好好~ 雖然唔係坐吧檯位 不過店員好細心會留意住加茶同講解菜式
張貼
