韓舍 (已結業)

今日同朋友去韓舍慶祝生日,食放題大家可以揀自己鍾意食嘅野。我地7點左右黎到已經坐滿左7成,坐多陣都已經滿座。韓舍大部分都係卡位,好闊落,坐得好舒服。一入到門口見到甜品櫃,甜品都已經有幾十款,相信如果只係食甜品都足以飽到捧住個肚走。平時去韓燒一般都有油煙味,但呢度味道唔算大,可能因為每個爐都有獨立嘅抽風機。呢度主打係韓燒,當然唔少得肉類同蔬菜。雖然選擇不及甜品多,但都已經夠晒我地食。肉類質素整體不錯,有雞翼、雞柳、牛仔骨、豬頸肉等等……友人特別欣賞韓式雞柳,好入味,又唔會好辣。牛柳粒都唔錯,一口一粒,又唔會有筋或者有渣。估唔到呢度連菠蘿都有,燒菠蘿真係好正,菠蘿燒到有少少燶就食得,酸酸甜甜又多汁,忍唔住燒左幾轉。除左燒肉，仲有前菜、壽司、刺身同埋其他熟食燒左幾轉肉就到甜品時間,雖然已經有啲飽,但食甜品係有第二個胃,哈哈…甜品嘅款式真係多到花多眼亂,奶凍、啫喱、雪糕、蛋糕……每款都好似好好食! 我同朋友最鍾意係拿破崙,好鬆化,加埋中間吉士,好夾,又唔會太甜。除左有整好嘅甜品,呢度可以diy甜品,有雕魚燒機、棉花糖機、炒雪糕同窩夫機。每部機都會有指示,跟住指示放入材料再等幾分鐘就搞掂。自己親