京饌 (已結業)

呢晚成班朋友慶生日，因為唔限時交檯，所以叫左好多野食。四合院， 有海蜇，鴨舌，筍，仲有綠色似豆角又似菲菜嘅蔬菜。整體：味道偏淡。肴肉：size偏大塊，味道正常。蒜泥白肉：唔係好蒜泥，不過都算幾好食，仲粉皮喺底可以吸收d醬汁。擔擔撈冷麵：撈撈下，有得玩下，唔算太特別。四喜烤麩：好味，但竟然係熱嘅，感覺有少少古怪。玫瑰素鵝： 本人唔喜愛嘅菜色，感覺上係炸到乾嘅腐皮同香菇，唔吸引。水煮魚： 有魚塊，秀珍菇，粉皮，食落個口會麻麻哋，唔算太辣，可以過口癮。瑤柱蛋白炒飯：食左少少，沒有很大驚喜。榴槤酥：造型得意，有榴槤味，d肉整熟左?拔絲蘋果：俾佢d一絲絲嘅糖絲吸引左，但唔識欣賞蘋果外層炸過嘅麵粉皮，有d凍同埋厚。整體上，裝修上行中國風，同其他集團其下嘅餐廳一樣，花過心思去佈置，坐位之間有足夠嘅空間，適合多人聚會。