影片
更多
2007-08-23
4 瀏覽
一打人去到, 好多人, 嘈, 唔受得呢d 環境既真係唔好黎(見到前面幾個食評竟然話呢度太嘈, 除左午市既時間, 我未試過去一個寧靜既熟食中心)潮~ 侍應都玩爆炸頭, 個大佬仲要係公雞頭等~ 訂左位, 早到, 不過都係無位, 返唔到枱大家都唔想既, 不過侍應哥哥要我地出去電梯位度等, 我都明裡面真係迫到喊, 不過三十度又焗既天氣...真係唔好受食~ 味道一般啦, 新派做法炸豬手...面頭脆, 裡頭太膠口風沙雞...一般, 雞唔算肥, 唔會一碟油算幾好黃金蝦...隻蝦炸到脆身, 殼都可以食埋, 少少辣, 個汁點包真係幾好墨汁意粉兩食(一碟上墨丸, 一碟上墨魚)...無乜特別, 清清地絲瓜白飯魚, 雜菜鍋, 油麥菜, 蝦丸...一般蟹兩食(蟹黃蒸蛋白, ??蟹)...蟹黃蒸蛋白配多士, 口感不錯; 至於其餘部份既就以酸甜汁煮, 真係幾特別, 蟹夠肉.凍食瀨尿蝦...檸檬汁食落又幾醒胃, 可惜遲黎, (小插曲, 叫左8 隻, 黎得7 隻, 原來係有隻唔夠肉, 所以無上, 當然計7 隻錢, 抵讚)荷葉飯...一般, 無乜特別, 不過幾大份豉油王炒麵...個人一向唔好呢樣, 只係試左少少, 又幾好
潮~ 侍應都玩爆炸頭, 個大佬仲要係公雞頭
等~ 訂左位, 早到, 不過都係無位, 返唔到枱大家都唔想既, 不過侍應哥哥要我地出去電梯位度等, 我都明裡面真係迫到喊, 不過三十度又焗既天氣...真係唔好受
食~ 味道一般啦, 新派做法
炸豬手...面頭脆, 裡頭太膠口
風沙雞...一般, 雞唔算肥, 唔會一碟油算幾好
黃金蝦...隻蝦炸到脆身, 殼都可以食埋, 少少辣, 個汁點包真係幾好
墨汁意粉兩食(一碟上墨丸, 一碟上墨魚)...無乜特別, 清清地
絲瓜白飯魚, 雜菜鍋, 油麥菜, 蝦丸...一般
蟹兩食(蟹黃蒸蛋白, ??蟹)...蟹黃蒸蛋白配多士, 口感不錯; 至於其餘部份既就以酸甜汁煮, 真係幾特別, 蟹夠肉.
凍食瀨尿蝦...檸檬汁食落又幾醒胃, 可惜遲黎, (小插曲, 叫左8 隻, 黎得7 隻, 原來係有隻唔夠肉, 所以無上, 當然計7 隻錢, 抵讚)
荷葉飯...一般, 無乜特別, 不過幾大份
豉油王炒麵...個人一向唔好呢樣, 只係試左少少, 又幾好喎, 唔會成碟油, 又唔係一味咸, 炒到一條條, 仲有芝麻香
甜品...送既, 切幼條涼粉+西米, 裡面有薑汁, 微辣, 不錯
環境~ 一般熟食中心, 大排檔, 地下可以保持乾爽都算係咁. 不過真係好嘈, 同枱都要嗌. 夜左之後開始播歌, 不過d 歌完全估唔到, 有rap, 有鄧麗君, 有梅艷芳, 有迪克與牛仔....
是次係慶祝生日所以自備cova cheese cake, 老大見到就順勢叫我地下次唔駛帶, 佢地都有, 話俾cova 好少少喎, 哈哈, 有機會都想試下
張貼