富田和食亭 (已結業)

囝囝今個月份 生日有生日八八折優惠 兩大1b食咗宵夜放題。壽司食得最多，有我最鐘意嘅赤貝同花之戀，赤貝ok,花之戀麻麻…面頭白色舊野冇味，和牛壽司同松露三文魚壽司都好正。刺身最好味係希靈魚，切得夠厚好新鲜。炸物食左炸蝦餅 炸帶子 炸生蠔 這幾款不錯，但 炸雞翼就唔係咁好食， 未試過食啲咁嘅雞翼咬落去好硬咬一啖， 咬即刻望一望 我食緊嘅係咪真係雞翼… 好難食。冷盤食咗冷麵蟹子沙律 八爪魚同螺肉，除咗個蟹子沙律冇乜蟹子 好多青瓜之外， 其他都ok。 阿b最鍾意食芝麻醬冷麵都幾好食。甜品銅雪條都幾多款, 有奶凍啫喱豆腐花 雪糕 韓國雪條等等。飲品就一般，飲牌子好多都係康師傅。