尚素 (已結業)

每年媽媽生日，都會搵一間媽媽最愛的素食慶祝一下。今年選左「尚素」，地方好大，但以黑色為主，同全統齋舖的感覺好唔同。我們本身想選晚市套餐，但發現好多想試既都無，最後決定散叫!其實食物款式都算多，但都預計唔會太大碟，所以我地一行7人，叫左10款包括蜜汁叉燒、椒鹽鮮魷、刺身、荷葉飯。先講蜜汁叉燒，賣相好似，而且食落好惹味，同叉燒相比，更軟身。至於椒鹽鮮魷是最值得推介! 魷魚非常香脆和煙韌，雖然有點咸，但勝左大大片，抵食! 荷葉飯一打開，有紅蘿蔔粒、榆耳、蔥等，好香，而且夠熱，又大份，夠晒飽肚!唯一最唔吸引係刺身，賣相一點也不似，而且一點也不討好，唯一較似的是「偽吞拿魚」吧，但必須點豉油，才有一點點像吧!整體而言，食物質素都算唔錯，但冷氣有點不夠，食完都急急腳離開!