御膳

29/9係我同老公嘅結婚紀念日，老公嗜好海鮮，原本想同老公去西貢食海鮮，但根據過往經驗，西貢地點偏遠，加上西貢嘅海鮮餐廳價格頗貴，大部份侍應態度差，無理由用錢買難受，正當我苦惱之際，突然醒起觀塘~御膳，地點近、價錢合理、服務態度良好……綜合這些優點，即刻打電話預訂。
今日係正日(29/9)，同老公來到觀塘~御膳，首先裝修典雅乾淨，給予舒服既感覺。:)

1

1

餐廳員工有禮招待，因為訂位時巳一早決定食花龍蝦餐(兩位用，全單＄1000，免加一)，所以餐廳員工詢問我們是否現在上菜，我們急不及待地回答 ： 是啊！
麻辣手撕雞
無骨又啖啖肉，配合爽脆青瓜絲，香辣好味，絕對係開胃前菜既好選擇。

麻辣手撕難

大蜆什菌豆腐湯
每喝一口湯，都嘗到大蜆既鮮甜，而且超多什菌同豆腐，口感超豐富。

大蜆什菌豆腐湯

金銀蒜蒸龍躉腩改為薑葱炒龍躉腩
龍躉腩外脆内滑，肉質好彈牙，用薑葱炒好惹味。

薑葱爆炒龍躉腩

花龍蝦
有3種煮法選擇 ： 芝士、香煎同上湯，我哋鍾意清清地，所以揀上湯。
從賣相已睇到色香味俱全，嘩嘩嘩……花龍蝦肉質潔白細嫩，味道鮮美，份量十足，令人回味無窮。

花龍蝦(配上湯)

白胡椒爆炒南非鮑魚
鮑魚夠稔身，鮮美Q彈，混着白胡椒，口味濃烈。

白胡椒爆炒南非鮑魚

蒜蓉粉絲蒸蟶子皇
大大隻蟶子，蒸得剛好彈牙，粉絲入味軟身有汁，加上炒過既蒜蓉，好味道到不得了。

蒜蓉粉絲蒸蟶子皇

潮州鹵水鵝(例牌)改為香芒沙律大蝦球4隻(這個只需加幾十蚊，超抵食)
這個沙律好清新，味道酸甜，蝦肉甜美，非常新鮮，好適合這炎熱天氣。

香芒沙律大蝦球

蟹油銀牙炒麵
炒麵有光澤，用蟹油炒，特別香噴噴，食得津津有味。

蟹油炒麵

是日甜品~雲呢拿布丁
口感綿密，香滑清甜，為這餐劃上完美句號。
綜合來說，無論環境、服務態度、食物味道，都做得非常有水準，是一間值得再去既私房菜餐廳。