影片
更多
2021-10-27
61 瀏覽
今次同朋友嚟試咗呢間蘇杭冰室, 最近先見到佢新開但係一直都未食過. 入面餐廳空間感充足, 又夠光猛, 環境又乾淨. 晚市食物種類唔算太多, 朋友叫咗個軟殼蟹天使麵加20蚊多杯蘇杭特飲, 我就叫咗個炭燒羊架薯條, 呢度啲扒餐like 社交平台會免費蘇杭特飲, 我揀咗個班蘭紅豆冰, 朋友叫左個西柚烏龍茶, 兩杯飲品本身都唔算太甜. 首先講開我個羊架薯條, 有三塊羊架, 特別係佢啲蒜蓉汁好出色, 唔係幾聞到有炭燒味, 但羊架算幾嫩滑. 朋友話佢軟殼蟹天使麵都幾好食, 有一隻軟殼蟹, 但係個麵份量就差少少, 如果係女仔就夠食. 食埋佢個甜品就啱啱好. 我覺得呢度個甜品好食過啲主餐, 尤其是我個梳乎厘班戟, 咬落去真係好鬆化, 但係又有班戟嗰種煙韌, 真係必食. 朋友食咗焦糖燉蛋, 都話好食. 至於價錢方便都幾合理對得住食物質素.
張貼
