影片
更多
2021-11-25
31 瀏覽
希望有一日可以食遍香港嘅燒肉店今日又同朋友去咗荃灣食日式燒肉，餐廳主打年輕人市場，見都有唔少年青人幫襯。自己用手機落單，方便快捷！有三個放題套餐，我哋揀咗中間價位嘅豪華燒肉放題。六款調味料，可以自己混醬任飲任食100分鐘，同朋友一邊燒一邊食，傾吓計又飲吓嘢，enjoy～牛肉選擇勁多，花多眼亂！ 樣樣試少少先，唔好浪費。有幾款私人推介：人氣大虎蝦 肉質彈牙，燒完啲蝦味更突出。鹽燒帆立貝加咗牛油去燒，鍚紙兜裝住，燒得方便！原隻魷魚仔細細隻，一口一隻，燒嚟食好惹味。果香旨味牛肋肉用樽仔裝住，加咗新鮮菠蘿去醃，香甜果味。超盛蒜蓉黑胡椒日本豚腩肉油脂極豐富，燒到佢微燶脆皮，每口都係油香。最後係呢度嘅甜品，有啲好少見嘅！紅豆鯛魚燒、奶黃鯛魚燒、醬油海苔年糕串、特色燒香蕉、燒棉花糖等等…… 最鍾意係佢個紅豆鯛魚燒，外皮燒到脆脆，加上裏面嘅紅豆蓉，正。每人仲有一杯雪糕添！店員個個都幾nice，食物上枱同執枱亦好快手，下次要encore！
今日又同朋友去咗荃灣食日式燒肉，餐廳主打年輕人市場，見都有唔少年青人幫襯。自己用手機落單，方便快捷！
有三個放題套餐，我哋揀咗中間價位嘅豪華燒肉放題。
六款調味料，可以自己混醬
任飲任食100分鐘，同朋友一邊燒一邊食，傾吓計又飲吓嘢，enjoy～
牛肉選擇勁多，花多眼亂！ 樣樣試少少先，唔好浪費。
有幾款私人推介：
人氣大虎蝦 肉質彈牙，燒完啲蝦味更突出。
鹽燒帆立貝加咗牛油去燒，鍚紙兜裝住，燒得方便！
原隻魷魚仔細細隻，一口一隻，燒嚟食好惹味。
果香旨味牛肋肉用樽仔裝住，加咗新鮮菠蘿去醃，香甜果味。
超盛蒜蓉黑胡椒日本豚腩肉油脂極豐富，燒到佢微燶脆皮，每口都係油香。
最後係呢度嘅甜品，有啲好少見嘅！紅豆鯛魚燒、奶黃鯛魚燒、醬油海苔年糕串、特色燒香蕉、燒棉花糖等等…… 最鍾意係佢個紅豆鯛魚燒，外皮燒到脆脆，加上裏面嘅紅豆蓉，正。
每人仲有一杯雪糕添！
店員個個都幾nice，食物上枱同執枱亦好快手，下次要encore！
張貼
