影片
更多
2018-04-07
54 瀏覽
今日旺角行街街，午餐就揀咗食「街坊嘢」，不過所謂嘅「街坊嘢」唔係魚蛋粉、碟頭飯，而係一間叫街坊cafe嘅餐廳。餐廳牆壁係大大幅鮮豔油畫，醒目搶眼。餐廳食物選擇都幾多，由豪華嘅【帝王極上海鮮芝士龍蝦汁意大利飯二人餐】至街坊嘅set lunch都有，散叫食物都唔少，當然亦有賣相靚仔又大份嘅甜品啦。Set lunch嘅湯唔係普通嘅紅湯白湯，除咗【什菌忌廉湯】仲有【港式地道碗仔翅】，果然夠街坊。Set lunch 【全日早餐$72】 用鐵板上，個鐵板拎起手都好重吓，睇嚟呢度嘅店員都已經練到手胍起𦟌。講返食物，Menu寫有香煎雞扒、香草腸、茄汁蛋、炒蛋、豬仔包。豬仔蒜蓉包都幾大塊鬆軟。炒蛋亦香滑多汁。香草腸同雞扒都肉汁豐富，不錯。Set lunch 【鐵板燒澳洲西冷$88】叫咗七成熟，肉質味道一般，但都幾大件。配菜亦幾豐富，有豆角、薯條、蕃茄同茄子。跟餐嘅咖啡係【街坊蒸餾咖啡】，咖啡味香濃。另外加$8可以轉特飲藍碟花凍飲或街坊汽泡水，我就揀咗杯【青春頌】，原因係鐘意呢首歌。綠色嘅飲品係薄荷味加甘桔菠蘿，飲落就薄荷味中帶啲菠蘿味。【朱古力心太軟伴雪糕$48】超抵食嘅甜品，好少見大大份一鍋上。心太軟
餐廳牆壁係大大幅鮮豔油畫，醒目搶眼。
餐廳食物選擇都幾多，由豪華嘅【帝王極上海鮮芝士龍蝦汁意大利飯二人餐】至街坊嘅set lunch都有，散叫食物都唔少，當然亦有賣相靚仔又大份嘅甜品啦。
Set lunch嘅湯唔係普通嘅紅湯白湯，除咗【什菌忌廉湯】仲有【港式地道碗仔翅】，果然夠街坊。
Set lunch 【全日早餐$72】 用鐵板上，個鐵板拎起手都好重吓，睇嚟呢度嘅店員都已經練到手胍起𦟌。講返食物，Menu寫有香煎雞扒、香草腸、茄汁蛋、炒蛋、豬仔包。豬仔蒜蓉包都幾大塊鬆軟。炒蛋亦香滑多汁。香草腸同雞扒都肉汁豐富，不錯。
Set lunch 【鐵板燒澳洲西冷$88】
叫咗七成熟，肉質味道一般，但都幾大件。配菜亦幾豐富，有豆角、薯條、蕃茄同茄子。跟餐嘅咖啡係【街坊蒸餾咖啡】，咖啡味香濃。
另外加$8可以轉特飲藍碟花凍飲或街坊汽泡水，我就揀咗杯【青春頌】，原因係鐘意呢首歌。綠色嘅飲品係薄荷味加甘桔菠蘿，飲落就薄荷味中帶啲菠蘿味。
【朱古力心太軟伴雪糕$48】
超抵食嘅甜品，好少見大大份一鍋上。心太軟蛋糕上面係雪糕球，再加士多啤梨果肉同藍莓，下面就係一大堆爆谷(但Menu嘅相係棉花糖⋯)。可惜心太軟冇流心效果，冇咗個精髓，只係一個朱古力蛋糕，還好雪糕味道可以，爆谷就香脆可口。品嚐晒湯、主菜同甜品，兩個人食到飽飽都係二百幾，符合街坊餐廳嘅條件。Menu仲有其他甜品都幾大份同有特色，下次要試吓其他先。
張貼
