影片
更多
2021-09-05
19 瀏覽
【阿來客棧】喺銅鑼灣嘅渣甸中心有一間樓上雞煲店，之前喺呢幢大樓食過其他舖頭質素都唔錯，估唔到今次幫襯嘅呢間都一樣咁好食。除咗餐廳嘅裝潢比較新淨而又有特色之外，值得一讚嘅地方係每個座位之間都會有一塊簾，可以提供食客嘅私隱度，非常貼心。———————————————馳名重慶辣雞煲（半隻）（ $168 ）雖然話就話得半隻，但雞嘅份量都好多，食咗一半其實已經有六七成飽，而且啲雞嘅質素都好高，肉質非常香嫩，而且可以食到唔同部位，雞翼雞腳都冇比少，應有盡有。鴨血（半份） （ $38 ）鴨血有六片，而每片都有一定嘅厚度同大小，食落幾滿足。稻庭烏冬（ 一份） （ $38 ）烏冬嘅口感非常之煙韌，份量亦都唔少，的確係打邊爐必備。除咗就咁浸住雞煲嗰啲湯底嘅汁，我發現點下啲加咗辣椒、蒜蓉、蔥嘅豉油咁食都幾正。———————————————阿來客棧 (銅鑼灣)銅鑼灣渣甸街50號渣甸中心25樓
喺銅鑼灣嘅渣甸中心有一間樓上雞煲店，之前喺呢幢大樓食過其他舖頭質素都唔錯，估唔到今次幫襯嘅呢間都一樣咁好食。
除咗餐廳嘅裝潢比較新淨而又有特色之外，值得一讚嘅地方係每個座位之間都會有一塊簾，可以提供食客嘅私隱度，非常貼心。
———————————————
馳名重慶辣雞煲（半隻）（ $168 ）
雖然話就話得半隻，但雞嘅份量都好多，食咗一半其實已經有六七成飽，而且啲雞嘅質素都好高，肉質非常香嫩，而且可以食到唔同部位，雞翼雞腳都冇比少，應有盡有。
鴨血（半份） （ $38 ）
鴨血有六片，而每片都有一定嘅厚度同大小，食落幾滿足。
稻庭烏冬（ 一份） （ $38 ）
烏冬嘅口感非常之煙韌，份量亦都唔少，的確係打邊爐必備。除咗就咁浸住雞煲嗰啲湯底嘅汁，我發現點下啲加咗辣椒、蒜蓉、蔥嘅豉油咁食都幾正。
———————————————
阿來客棧 (銅鑼灣)
銅鑼灣渣甸街50號渣甸中心25樓
張貼
