尚夢・茳煳 (已結業)

呢本menu 做到好似秘笈咁，好得意。假日最鍾意搵啲坐得好嘅靚靚中菜去試～一般港島區會比較多🙃一於去搵食💕午餐有Set Lunch, 價錢由$108-$128 。午餐有涼拌小食、滋補燉湯、甜品、咖啡或茶。本身想揀八寶荷葉飯，但賣哂～就揀咗頭抽豉油雞$118佢一set咁上，夠精緻。是日湯係羊肚菌湯，湯用小爐熱住，所以好夠熱唔怕凍咗。湯夠濃味足料。豉油雞肉質夠嫩滑，顏色好靚夠入味。鍾意佢仲有薑蓉可以撈飯。甜品係懷舊大菜糕，用膠蛋裝住，大菜糕爽口，清清地。餐飲揀咗熱檸茶。