一入到去見到店內嘅環境裝修同佈置相當特色，有好多唔同款式嘅德國啤酒杯、酒桶同公仔擺設，感覺好似置身喺德國咁！
我們叫咗特式牛尾、甜椒濃湯「家庭裝3-4位用」嘅湯底相當濃郁，牛尾同其他材料都煲到好腍，但酸嘅味道比較突出，所以我們祇係飲到酸味，而唔係好飲到其他味道！
香燒德國排骨配蒜片辣椒嘅肉質好鬆軟，
而且肉汁都幾多，但就略嫌香草嘅味道太過濃郁！
脆皮燒豬肘配酸椰菜及薯仔一上碟嗰陣，「就咁睇」個賣相好似好正好吸引，諗著切開嚟食，點知一切落去就覺得好失望，因外皮係好硬身，唔係好香脆，肉質亦因燒到過咗火，所以變得又乾又硬，
我們同店員反映有呢個問題，店員嘅態度都幾有禮咁話幫我們取消去，所以我們就另外揀過第二樣，而我們就揀咗燒德國鷄「半隻」配香草薯仔嘅鷄肉燒到恰到好處，
肉質非常嫩滑，就連鷄胸嘅肉質都唔會有「嚡」嘅感覺！Mango Delight將切開一半出嚟嘅芒果用嚟做裝飾，令到賣相相當色彩繽紛吸引！
Pink Colada原本嘅賣相應該都係好吸引，但可能整好咗等攞上碟有一段時間，所以啲士多啤梨果肉沉咗入舖面嘅忌廉入面！King Ludwig Punch係一杯加咗鮮果嘅汽水特飲，味道都幾清甜同清新！:)
1
