影片
更多
2022-09-27
546 瀏覽
今日自己黎到位於天后既哩間日本餐廳。餐廳環境雅致舒適，木系簡約裝修，加上旁邊既許願版，更添日本風情，餐廳仲有個海景既露台，景觀一流🌊餐牌上有唔同價錢既Omakase可以選擇，仲可以單點小食、刺身及壽司，而且壽司師傅會先問客人有咩唔食得，再因應作安排，非常細心 ～✨令月Reigetsu Omakase $1380🔸前菜 兩款前菜有薑汁煮吞拿魚及炸剝皮魚配南蠻漬汁，店員建議從右到左咁食，吞拿魚肉入味軟腍；炸剝皮魚幾香口，配上南蠻漬汁酸甜微辛。🔸日本生蠔用上北海道厚岸真蠔，有掌心咁大隻，而且超厚肉，口感清爽，灑上岩鹽及放上魚子醬，添上些許青檸汁再食味道更清新。🔸刺身 3種薄切鰈魚、活北寄貝、大拖羅刺身薄切鰈魚灑上青柚子皮，配有高頭蔥，可以加上紫蘇花或四季紅，再蘸上酸汁，魚肉新鮮，配上酸汁微酸開胃；活北寄貝灑上竹炭鹽，放上帶有甘味既木之芽，活北寄貝超新鮮爽彈，清甜好食；大拖羅刺身超級肥美，充滿油脂香，被紫蘇葉及紫菜包裹，減去油膩感，增添一份清新，亦係非常好食👍🏻🔸和食和食係鵝肝配帶子，鵝肝外層焦香，入口充滿油脂，帶子新鮮彈牙，蘸上南瓜胡椒醬幾特別，配有豆角及茄子。🔸壽司 7貫愛女魚、獅魚、石門
餐牌上有唔同價錢既Omakase可以選擇，仲可以單點小食、刺身及壽司，而且壽司師傅會先問客人有咩唔食得，再因應作安排，非常細心 ～
✨令月Reigetsu Omakase $1380
🔸前菜 兩款
前菜有薑汁煮吞拿魚及炸剝皮魚配南蠻漬汁，店員建議從右到左咁食，吞拿魚肉入味軟腍；炸剝皮魚幾香口，配上南蠻漬汁酸甜微辛。
🔸日本生蠔
用上北海道厚岸真蠔，有掌心咁大隻，而且超厚肉，口感清爽，灑上岩鹽及放上魚子醬，添上些許青檸汁再食味道更清新。
🔸刺身 3種
薄切鰈魚、活北寄貝、大拖羅刺身
薄切鰈魚灑上青柚子皮，配有高頭蔥，可以加上紫蘇花或四季紅，再蘸上酸汁，魚肉新鮮，配上酸汁微酸開胃；活北寄貝灑上竹炭鹽，放上帶有甘味既木之芽，活北寄貝超新鮮爽彈，清甜好食；大拖羅刺身超級肥美，充滿油脂香，被紫蘇葉及紫菜包裹，減去油膩感，增添一份清新，亦係非常好食👍🏻
🔸和食
和食係鵝肝配帶子，鵝肝外層焦香，入口充滿油脂，帶子新鮮彈牙，蘸上南瓜胡椒醬幾特別，配有豆角及茄子。
🔸壽司 7貫
愛女魚、獅魚、石門貝、竹甲魚、鯖魚、牡丹蝦、海膽，配有牛蒡漬、兩款醃蘿蔔漬及薑～
愛女魚肉質鮮美，加上青柚子皮味道清新；獅魚肉質軟腍；石門貝鮮甜爽彈，超好食；竹甲魚同鯖魚肉質都會清爽一啲；牡丹蝦鮮甜彈牙黏口，上面放上已經燒製過既蝦膏，再灑上岩鹽，更加濃味；海膽超級鮮甜，而且份量十足。
🔸湯
湯品係白魚湯，用多種魚骨熬製而成，呈現濃濃既奶白色，味道濃郁，入面仲有大量清甜既娃娃菜。
🔸甜品
椰子雪葩超濃椰子味，質感幼滑，非常好味，超推薦👍🏻
整體黎講，餐廳環境雅緻舒適，食材新鮮，鍾意食Omakase既不妨一試。
張貼
