八月花 (Home Square) (已結業)

沙田酒樓唔算少，但真係好食嘅都冇幾多間， 平時我地去開沙田美心皇宮飲茶，因為知佢每日都有十數名點心師傅係酒樓現做點心 (其他好多酒樓啲點心都係交嚟嘅) 。不過美心酒樓等位等得好誇張，而且好熱鬧，坐得唔算舒適。 所以我地有時都會稍移玉步去八月嘅，環境比較雅緻。不過唔知幾時開始，八月飲茶要限時，每枱90分鐘，即係食完就要走唔可以嘆。咁都唔緊要，自己屋企人去，都唔會磨好耐嘅，但呢次去，啲食物質素真係令人好失望，中伏了！我地其實都係點啲大路野，但唔知點解，啲點心上枱全部都係凍嘅，佢唔係推車仔， 係寫點心紙order的， 點解會係凍嘅呢？！而且味道都跟美心相差很遠，即係再差啲， 但明明八月應該係美心系中較為高檔架噃！😒呢個牛角穌係毀左容咁上枱的， 好可憐！類似芋角嘅更鵝，皮又乾餡又少。