影片
更多
2021-01-19
152 瀏覽
前幾日同朋友仔約食飯，知道呢間係桔梗既姐妹餐廳，加上前幾日新開，就去試下。呢間鋪頭地方好大好寬敞，有室內同室外部分，如果天氣好係室外坐，曬下太陽吸收下維他命D都真係幾寫意。不過當我實在太凍，所以我地都係揀坐室內。食物方面，叫左2個意粉，2個cake同2杯飲品。意粉叫左台北燉牛肉意粉同奶油花雕酒燉雞。奶油花雕酒燉雞奶油味既香濃，雞肉嫩滑，配埋個奶油汁出奇地幾夾。牛肉意粉就真係高質，牛肉很嫩，夾埋啲辣辣地既肉醬，成件事真係好夾好好味。我同朋友都覺得呢個比花雕雞出色。cake就叫左雲尼拿芝士蛋糕同伯爵茶戚風蛋糕。雲尼拿芝士蛋糕幾好味，芝士味都幾出，又唔會太甜。伯爵茶戚風就一般般，食落有磨碎既伯爵茶葉，但係就冇咩伯爵茶味，似橙味戚風蛋糕多啲。本身諗住叫伯爵茶芝士蛋糕但係賣曬，如果係芝士蛋糕應該會好味啲。飲品叫左一杯咖啡同一杯燕麥milkshake莓莓燕麥milkshake個人覺得味道正常，質地比較黏稠，但係個人略嫌唔夠滑，如果滑啲細膩啲會好好多。咖啡就係衣索比亞獨角獸咖啡，佢話會飲到蜜糖，益力多味，覺得幾得意就叫來試下。一開始飲覺得味道苦苦地，但係擺左一陣真係有甜甜地既蜜糖同益力多味出來，苦澀
前幾日同朋友仔約食飯，知道呢間係桔梗既姐妹餐廳，加上前幾日新開，就去試下。
呢間鋪頭地方好大好寬敞，有室內同室外部分，如果天氣好係室外坐，曬下太陽吸收下維他命D都真係幾寫意。不過當我實在太凍，所以我地都係揀坐室內。
食物方面，叫左2個意粉，2個cake同2杯飲品。
意粉叫左台北燉牛肉意粉同奶油花雕酒燉雞。
奶油花雕酒燉雞奶油味既香濃，雞肉嫩滑，配埋個奶油汁出奇地幾夾。
牛肉意粉就真係高質，牛肉很嫩，夾埋啲辣辣地既肉醬，成件事真係好夾好好味。我同朋友都覺得呢個比花雕雞出色。
cake就叫左雲尼拿芝士蛋糕同伯爵茶戚風蛋糕。
雲尼拿芝士蛋糕幾好味，芝士味都幾出，又唔會太甜。
伯爵茶戚風就一般般，食落有磨碎既伯爵茶葉，但係就冇咩伯爵茶味，似橙味戚風蛋糕多啲。本身諗住叫伯爵茶芝士蛋糕但係賣曬，如果係芝士蛋糕應該會好味啲。
飲品叫左一杯咖啡同一杯燕麥milkshake
莓莓燕麥milkshake個人覺得味道正常，質地比較黏稠，但係個人略嫌唔夠滑，如果滑啲細膩啲會好好多。
咖啡就係衣索比亞獨角獸咖啡，佢話會飲到蜜糖，益力多味，覺得幾得意就叫來試下。
一開始飲覺得味道苦苦地，但係擺左一陣真係有甜甜地既蜜糖同益力多味出來，苦澀味都唔見了，所以真係幾好飲。
呢度地方好大，同朋友食完坐左一個下午都冇比人趕，隔離台仲有人拎埋啲和諧粉彩係度畫，係一間適合週末朋友聚會既cafe。
3 瀏覽
0 讚好
0 留言
4 瀏覽
0 讚好
0 留言
5 瀏覽
0 讚好
0 留言
3 瀏覽
0 讚好
0 留言
4 瀏覽
0 讚好
0 留言
張貼
