樹蛙咖啡 (已結業)

呢間樓上 cafe 位置唔算好當眼，喺佐敦道嘅街尾，而且要上一樓，所以平時未必會留意到，但每當經過附近嘅時候抬頭一望，就會畀佢嘅裡面嘅裝修吸引，因為佢有個落地玻璃，就咁望入去餐廳入面好似都幾靚幾多打卡位，可惜佢收得比較早，所以平時比較少機會嚟。今日比較早收，可以食過 early dinner，所以就試下呢一間，入到餐廳裏面佈置果然好精緻，有幾個打卡位，靠窗邊係綠色打卡區，有啲芒草造做佈置幾得意。至於粉紅色打卡區就有啲吊喺天花板嘅波波，好少女，今次點咗兩個主菜，一個係慢煮西冷扒（$138）煎得都唔錯肉質都幾 juicy，另外叫咗一個 xo 醬帶子米形意大利麵（$158）原本係石斑嚟，不過賣曬所以就轉咗帶子，冇一般意大利飯咁硬，食落好得意好好味。