英王麵包店

營業中

休息中

踏單車去到烏溪沙站搵野食，A1 bakery有落地玻璃岩哂我地泊低架單車又可以望住唔使驚俾人偷，下午茶$25有咖啡飲又有麵包食。我選擇左薯仔飛碟因為夠飽肚。飛碟d薯仔有好多，鮮奶咖啡唔錯。總算醫到我個肚。一邊食一邊見到有新鮮麵包出爐，引唔住俾錢再買芝士包包，但唔記得影相。呢間A1可以睇住麵包師傅即場整麵包，由一舊平平無奇既麵粉變到睇見都流口水既美味麵包。不嬲都覺得A1麵包唔錯，款色又多。總有一款岩你口味。新鮮出爐既麵包真係好難抗拒，香噴噴熱辣辣，麵包軟綿綿，加上香濃半溶既芝士，食入口真係好幸福。呢度坐位舒服，燈光佈置令人感覺好寫意。