英王麵包店

營業中

休息中

以前覺得你和麵包舖嘅麵包係相對較為較高級，但係而家隨着普通連鎖麵包店嘅價格上升🔝+同埋縮水，呢度嘅麵包反而覺得係抵食因為佢加價嘅幅度較細，而且質量比較穩定！（不過有陣時唔同分店麵包會冇咁靚咁）呢個影咗相嘅蛋沙律餃子包好好味！ $15.1個但係好足料，因為佢個外型所以叫做餃子包～佢個包嘅包汁似係天然酵母，發酵好軟熟同時好煙銀☺️入面嘅蛋沙律係好似平時三文治食嗰種，有啲熟蛋切碎，應該有加少少調味咁樣但係唔會撈咗好多沙律醬，所以唔會令到個包嘅脂肪含量升高好多不過我感覺佢有加少少牛油，因為睇得出，但係個味又唔太覺～整體而言好味😋

🎶🎵🎶這守護你 的死硬派全程力撐My apple pie 🎶🎵🎶🍎🍎身為鏡粉的我 梗係要捧場食MV中的出現蘋果批啦早排 差不多間間A-1 都賣晒蘋果批係近呢幾個星期先見有剩 所以見到就即刻買黎食😋😋 之前啲朋友個個都話好食 🙈🙈我食完 都覺得好好食😋 -一打開包裝盒 就聞到好香的蘋果酸甜味 外層焗到金黃色 但上色不夠平均 底部仲有啲煨煨地 🙈🙈 食落口 😝😝酥脆鬆化的酥皮包住酸酸甜甜的青森蘋果片 食落酸酸甜甜 好fresh 加上底部仲有香滑的吉士醬 好清甜 又不膩 值得 encore 希望下一個會焗得再金黃色啲 🙈😝😝

屋企附近的一間A1，由於那邊位置唔算太好，所以佢可以用較便宜的價格租用一個較大的空間提供“堂食”和咖啡。閒暇之餘可以同家人朋友一起享受一下☕️時光。鑑於空間足夠，這家店亦比其他在地鐵車站附近的分店多了甜品櫃，有多款不同口味的布丁和忌廉以供選擇👍🏻麵包之中，家人則最愛咸口味的俄羅斯肉餡咖哩包，其他麵包店並冇這款麵包。口味似中國北方的餡餅，內𥚃肉餡豐富，調味適中，咖哩的香味又可以增添食慾，買來做早餐最合適不過。

烏溪沙站，是我每早上班的必經地之一。有時候，都會喜歡停留一下，在車站附近的食店吃個早餐才走。不過，我來來去去都係食茶餐廳同酒樓，很少真真正正去拜訪這《A-1 Bakery Cafe》。這一天，不想食茶仔，一個人又不想飲茶，不如來這兒，食個包，飲咖啡。我點的包叫煙雞火腿賓士，是一個類 pizza 型的包子。入口鬆軟，絕對似一個 mini pizza，很香口的包，如果再熱一點，會非常之好食。早上陪伴麵包的，是一杯黑咖啡，雖然是普通貨，但夠提神，味道亦很配合包子，算是幾好。幾好的輕早餐，好過下下入茶仔食公仔麵，食通粉。

踏單車去到烏溪沙站搵野食，A1 bakery有落地玻璃岩哂我地泊低架單車又可以望住唔使驚俾人偷，下午茶$25有咖啡飲又有麵包食。我選擇左薯仔飛碟因為夠飽肚。飛碟d薯仔有好多，鮮奶咖啡唔錯。總算醫到我個肚。一邊食一邊見到有新鮮麵包出爐，引唔住俾錢再買芝士包包，但唔記得影相。呢間A1可以睇住麵包師傅即場整麵包，由一舊平平無奇既麵粉變到睇見都流口水既美味麵包。不嬲都覺得A1麵包唔錯，款色又多。總有一款岩你口味。新鮮出爐既麵包真係好難抗拒，香噴噴熱辣辣，麵包軟綿綿，加上香濃半溶既芝士，食入口真係好幸福。呢度坐位舒服，燈光佈置令人感覺好寫意。

噚日我妹生日，所以係英王買左個蛋糕同佢慶祝，有好多生果係裡面，有士多啤利，好甜好新鲜；仲有蜜桃，不過係罐頭，蛋糕則好鬆軟，不過甜左D，旁邊太多糖膠，影響外觀，不過尚算okay啦

a1既麵包一向都唔差，而且鍾情歐陸式或者日式包的朋友一定都會揀到心水既麵包。 朱古力夾心麻糬棒（$12）麵包介乎麻糬同冬甩之間既口感，有少少煙un ，中間夾左朱古力，甜甜的，但又唔會太濟。 黑芝麻芝士火腿($15)表面佈上非常多的芝麻，中間的上芝士火腿粒份量一點都沒有手軟，麵包偏硬，帶有歐式包的風味。芝麻的香味，再配上豐富的芝士火腿粒的咸香，正！就算凍食都唔錯。 紅茶合桃直燒（$11）一切開便見到很多紅茶碎和少量合桃，又是一個比較像歐式包的選擇，不是一個空心包，口感好實在，合桃沒有想像中那麼多，麵包無論是味覺還是嗅覺都感受到淡淡的紅茶香。 蘋果金寶就聽得多，呢個朱古力杏仁金寶（$9）上面有杏仁片，墨西哥包面同埋入爐朱古力粒，中間的麵包用上了似朱古力紐紋的做發，每一啖都食到朱古力味。麵包特別在造成似一粒粒正方形的樣子，好似真的金寶一樣，只要用手撕開黎食就可以清晰見到。

烏溪沙站新開左A-1 Bakery & Cafe, 呢間cafe好寬敞, 裡面有好多座位, 但係未有提供熱食, 可能遲下會有熱食?Vi最中意食呢度ge麻糬波波, 有3隻味, 分別係朱古力, 芝麻同芝士, $4.5一粒, $17 5粒, Vi買左芝士同芝麻味芝士麻糬波波只有外皮有芝士味, 裡面好煙韌, 好中意麻糬ge質感 而芝麻味就較硬身, 好香芝麻味, 裡面仲有粒粒芝麻, 較香口 2款口味都好煙韌, Vi個人中意芝士味多d