Shine (已結業)

OT完決定同同事喺附近搵間餐廳食埋晚餐先返屋企，search到呢間餐廳好似唔錯所以就決定試下。龍蝦湯 $78以龍蝦湯黎講呢間算味道幾好，唔會太稀無咩味，亦唔會太濃太假，味道鮮甜新鮮，如果有多幾舊龍蝦肉會更完美。芝士焗加拿大龍蝦意大利飯 $218芝士蓋住成個龍蝦，賣相相當唔錯。意大利飯飯粒粒粒分明，醬汁包住每粒飯味道唔錯幾好。龍蝦只有半隻，但係龍蝦肉都幾多，肉質新鮮。燒安格斯肉眼扒配野菌紅酒燒汁 10oz $368牛扒基本上都係好安全既菜式，點整都唔會太差。不過脂肪都幾多，如果唔鍾意脂肪既人就要自己挑走啦。